يا حلو ياهايل ياغازنا اللى سايل شعر: محمد عبدالعليم

,أيار 30, 2008
يا حلو ياهايل ياغازنا اللى سايل شعر: محمد عبدالعليم

يا حلو يا هايل

يا غازنا اللى سايل

شعر: محمد عبدالعليم

يا حلو ياهايل
ياغازنا اللى سايل

ورايح للصهاينه

القلب شايل

ازفت رسايل

لحمارنا اللى قايل

إنه قدرنا

مع انه حمارنا
****

ياحلو يا هايل

يابن الحرام

ح نسوى الهوايل

وح نقول كلام

بس الحظ مايل

180 درجة تمام
يا حلو ياهايل

ياغازنا اللى سايل

ورايح للصهاينه

ايه اللى جرالنا؟

غير حالنا

شقلب أيامنا

ضيع علامنا

نكس علمنا

خلى سلامنا

زي استسلامنا

ماكنش عشمنا

تموت أحلامنا

قتيله قدامنا

ياشيخ حرام عليك

الناس بتناديك

صهيون إزاي صديق

إزاي تاخده رفيق

وتمشي في الطريق

فوق جثث الشهيد

والقتيل والغريق

واللى مات فى سبيلنا

وكان شهيد فى الحريق

بالزمه دا يليق ؟

واللا عشان العليق

ورفع الصوت في النهيق

ننسى الماضى العريق

ونقول دا قانون عتيق

للصهاينه أبيع دقيق

وابيع رقيق

وابيع شقيق

ابيعه برضه رقيق

دى نهايه الطريق

استمر لو تطيق

استمر وكون صفيق

وكون حقير وضيع

وبيع للصهاينه كل شيء

======

القلب شايل

ازفت رسايل

لحمارنا اللى قايل

انه قدرنا

نبيع ديارنا

ونرضى بحصارنا

وننسى عبورنا

ونبيع قبورنا

للى سرقنا

واللى هبرنا

وكل حقوقنا

وطفى قمرنا

وخلانا دورنا

دوران

وكل واحدفينا تعبان

زى الجاموسه

متغميه

فى ساقيه

تروى مليار فدان

ياغازنا

ياواخد شهاده

ونيشان

****

ياغازنا ياسايل

ياحلو يا هايل

يابن الحرام

ح نسوى الهوايل

وح نقول كلام

بس الحظ

مايل180

درجة تمام

ياغازنا اللى سايل

ومعدي الحدود

ومسوى الهوايل

ورايح لليهود

بالذمه مش حرام

ياخاين العهود

صحيح ماكانش باين

علاقتك من الجدود

وظهرت وبانت عمالتك

وعندى الشهود

ورغم البلاوى

مازلت أنت ناوى

تبيع القلوب

تبيع الكلاوى

وسفالتك

تسود

ياخسارة اللى راح

وياعينى ع الجراح

والواد الفلاح

الشهيد ع الحدود

يامضيع الصباح

ومغلى الانفتاح

نبكى على اللى راح

واللا على اللى جاي

يارايح للسفاح

ومسلمه الحيي

يا غازنا اللى سايل

وما لكش زي

وياما القلب شايل

يا غازنا اللى سايل

ومسوى الهوايل

القلب فيه كتير

يا مموت الضمير

جبال وسحاب يسير

ولا ننسى يوم شهيد

وعذاب وقتل أسير

يا غازنا ليه تسير

وتبيع فجر الضمير

انا كنت فاكرك كبير

واتاريك عميل حقير

في مؤامرة ولعبه كبيره

وانت اللعبة الاخيره

لعصابه حقيره

لا ليها عين ولا إيد

بتقتل فينا وتبيد

وانت الغاز الوحيد

اللى تقدر تعيد

الحق

والقوه

انت الغاز الفتوه

ياغازنا اللى سايل

يا خوفى تبقى ميه

تروى أرض الشاميه

المسروقه

المحروقه

ع القضيه

ما هى عجوزه مش عفيه

مش صبيه

لكن لسه جميله

عيونها كحيله

خدودها نديه

وممكن تخلف

عيال شداد

عفيه

يصونوا القضيه

ياغازنا اللى سايل

ومسوى الهوايل

الحظ ما كانش مايل

ولا تهديد بالرسايل

ليه بعت القضيه

ونسيت منعم وعليه

يا غازنا اللى سايل

ومسوى الهوايل

وغالى عليه

رخيص انت ليه

وبعت القضيه؟

وفيه كتير شهود

أرواح .. شهدا.. جنود

ح تقول ايه

لو قايل

مانت حقير وسايل

وبتجرى فى المواسير

وبتنزل جوه البير

وبتطلع برضه فى بير

وتحب تعيشها أسير

ولا مره كنت أمير

طول عمرك عايش تحت

وبيجيبوك بالفحت

ولا تفهم فى رسم ونحت

ما انت غبي وبهيم

ويغرك التكريم

زى الحمار يدوله

العليق والبرسيم

يقف ويفرد طوله

حمار وعاملي زعيم

ياغازنا يا نسيم

ياحلو ياغالى

يا بايعنى للئيم

ومضلم لى الليالى

بتنور عند كوهين

وتحبه يا ضلالى

وتخوني بالسنين

وانا مش واخد بالي

ولا كنت أعلم

ومهما تمر سنين

المر مر العلقم

خدت عليه

وأصبر

أكتر

وافكر

وفى ليله أعبر

تانى إليه

وأخد حقى

بايدى

وسنانى وبقى

وح أقدر عليه

وانت ياغازبلاش منك

ح أستغنى عنك

مانت ح تخلص

يوم وتفيصوانا والناس نفرح ونهيص

بأنجازنا لا نقول غازنا خانا وراح

عشان يتعبنا

وباع أرواح

كل صحابنا

طظ ياغاز

في أي جهاز

بتوجاز

أنا بكانونى

وفرن بهيه

أخبز عيشي

ولقمه هنيه

تغنيني عنك

أنا بكانونى

أحس بكونى

إنسان

يحبني كوني

وأرضي وشجري

ونيلي

والفيضان

وانت ياغاز

تتغاظ

وتضيع

والبوتاجاز

يصبح خربان

ضرب القفا مضمون شعر : محمدعبدالعليم

ة,أيار 30, 2008
ضرب القفا مضمون شعر : محمدعبدالعليم
ضرب القفا مضمون

شعر : محمدعبدالعليم

ضرب القفا مضمون
واللى يحتج

ما يملك غير الدعا

فى الحج

واناطول عمرى

ماشى جنب السور

ولا عمرى باثور

ولاطالبت مره بعمود نور

لاقلت هاتوا حقى

ولا عليا الدور

انا مسلم امرى الييييه

هو اللى قادر

وكل شيء بايديه

انا لا اثور

ولا اكل لحم الثور

انا ادور

حوالين الساقيه

انا عبد المأمور

يقولولى انزل

...انزل

على طول

بقولى اطلع

..اطلع

على طول

يقولى سقف

طول ....عمر سقفتى اطول م الطول

بطول الطول

واكبر دلدول

احضن الحيط

وابوس تراب البيت

ولا يوم شكيت

ولا يوم حكيت

عن ظلم مأمور البلد

وجنود حملات الهدد

يزيلوا البيت

ويقتلوا الولد

ويتفننوا فى قتل ولاد جدد

انا عندي عش شعر محمدعبدالعليم

,أيار 30, 2008
انا عندي عش

أناعندي عش

شعر محمدعبدالعليم

انا عندى عش

ع الشجر

ركبت دش

من الحجر

انفجر
قبل ما أحش

الثمر

وانا بارش

المطر

كلام كتيراتنطر

خفت

وحسيت بالخطر

ولا كانش عندى خبر

ان اهتزاز الوتر

زى اوراق الشجر

تطير وتتهبر

انا شفت المطر

جاى من السفر

جبال وديان

عبر

ودموعه بتنهمر

لما نور القمر

طل وأمر

يطلع صباح

الليالى الملاح

الطير انبهر

ونام مرتاح

بعد طول السهر

من الجمال

في الجبال

اتأسر

ولا نفعنا الحذر

من المكتوب

ومن القدر

مافيش بنا شعر محمدعبدالعليم

,أيار 30, 2008
مافيش بنا شعر محمدعبدالعليم
مافيش بنا
شعر محمدعبدالعليم
الحصون متحصنه

فيها الكلاب متهجنه

فيها الدياب متسمنه

ومهما قلت وعدت أنا

صدق كذب

هدم بلدنا ما فيش ُبنا

نعمل ايه ... شعر محمدعبدالعليم

,أيار 30, 2008
نعمل ايه ... شعر محمدعبدالعليم
ح نعمل إيه ..

.
شعر محمدعبدالعليم

ماتقول يابيه... ح نعمل ايه..

في الغلا

ح

نعمل ايه..

ونقوله ايه..

بعد ما حكم وعلا

حنعمل ايه..

ماتقول يابيه

زاد فى عصرك البلا

وهاضرب لسيادتك امثله

كل شيء فى البلد انهدم

واحنا فيك بنتصدم

بكرة تبيع الهرم

وتقول عليه نوع من الكرم

ونعمل ايه

ويفيد بايه لو اتشتم...

.الفساد زاد وفاض

غرق بلاد

هدم بلاد

والفساد عندنا

امتداد

من ميت سنه

شعب طيب واتفنى

المش بدوده شعر : محمدعبدالعليم

—
,أيار 30, 2008
المش بدوده شعر : محمدعبدالعليم
المش بدوده

شعر : محمدعبدالعليم

المش بدوده صاحي وبيلعلط

وبيبلبط

أضمن من لحم الحمير في المسمط

أضمن من السمك النيلى الملغمط

بعوادم المصانع والمزارع والكميا والذي أزرط
***

لاتقول فول

ولا عدس

ولا رز

ولامكرونه

ولا طبيخ

مسقعه وملوخيه

ولا علبتين تونه

ولا يوم تدوق بسطرمة

ولا رومى

ولا زيتونه

خليك فى الأكله المتخزنه

من سنه ومش مضمونه

ولو معفنه أو منتنه

وجايه من اللى غشونا

ارضى بعليقتك زي الحمار

فى الشونه

اشرب لك حجرين

وعمر الطاسه بالأفيونه

وعيش حياتك مع المجانين

ما هى دنيا مجنونه

وألبس الطرطور وانفخ فى البالونه

واتشعبط فى الحنطور

وغنى حسن حسونه

ان مت

فيه منشور راح يطلع

بكره للنور

ويقول
المش بدوده صاحي وبيلعلط

وبيبلبط

اضمن من لحم الحمير

في المسمط

أضمن من السمك النيلى الملغمط

بعوادم المصانع والمزارع والكميا والذي أزرط

ميت مسا شعر محمدعبدالعليم

,أيار 30, 2008
ميت مسا شعر محمدعبدالعليم

ميت مسا

شعر محمدعبدالعليم

ميت مسا

يافسفسه

يامهندسه

متاسسه

ع المريسه

والهندسه

ميت مسا

والفين سلام

وتحيه

يامهندسه

ومتأسسه

ومتعلمه المشي

ع الميه

نفسي اسألك

إيه زعلك

من الزمبلك

أبن أبوه

عبد الملك

اللى عايز

يبقى ملك

ويشنكلك

ويقندلك

ويقلقلك

هو فيه حد بمزاجه صبح ملك؟

واللا أبوه

في الشهر العقاري سجلك

بأسمه الملك

واللا كان

راكب حصان

وفي أيده سيف

واللا هو أبن الشريف

اللى يحكم مليون عفيف

ويحولك بلد الخريف

النيل تلوث شعر محمدعبدالعليم

,أيار 30, 2008
النيل تلوث شعر محمدعبدالعليم
النيل تلوث
شعر محمدعبدالعليم
فى عز الذل

قال الكل يابلدنا

مالك؟

كنت زى الفل

ايه غير حالك

وخلى ليلك حالك

ونهارك كذلك

يابلدنا يا بلد الأهل
الناصحين والهبل

نيلك ليه اتحول خل

وفيه واحد عاد

من تانى يشرب منه
يسحب منه الخير
ويوديه للغير
أبن الخاينه البانكير
اللى كتير علينا بيغير
ويكلفنا كتير
فى التحرير كله بيهرب
خايف يقرب
يتلوث منه

مره

زمان أتلوث

نهر النيل

أيام فرعون

ومرة الوقتى

كله تلوث

من المجنون

كله أونطة شعر : محمدعبدالعليم

,أيار 30, 2008
كله أونطة شعر : محمدعبدالعليم
كله أونطة
شعر : محمدعبدالعليم
كله أونطه
ناس بشنطه

جم من سنطا

راحوا على طنطا

راحوا أونطة

وكانوا عاقلين

كانوا ساكتين

إيه جننهم

ضيع منهم

كل ما جمعوا

خدوا قرشينهم

ناس هارشينهم

واللى يشنهم

كانوا مقاولينهم

كانوا مبايعنهم

ماشيين على دينهم

رافعين صورته

بايسين قورته

وتحت إشارته

هو يأشر

هم يجاوبوا

هو يفكر

هم يلبوا

هو يهنكر

هم يخبو

اويسرق أكتر

ولا يوم هبوا

اكمن إندبوا

وشاركوا كتير

في المشاوي

روحسن السير

يحمي المغاوير

من غدر صغير

واللا كبير

كانوا بيمشوا

تحت الأرض

كانوا بياكلوا

في أيها عرض

كانوا يوافقوا

على ايها فرض

ولا يعترضوا

ماهى مش أرضه

وكانوا برضه

كانوا عاقلين

كانوا ساكتين

إيه جننهم

ضيع منهم

كل ما جمعوا

خدوا قرشينهم

ناس هارشينهم

واللى يشنهم

كانوا مقاولينهم

كانوا مبايعنهم

ماشيين على دينه

مرافعين صورته

بايسين قورته

وتحت إشارته

هو يأشر

هم يجاوبوا

هو يفكر

هم يلبوا

هو يهنكر

هم يخبوا

ويسرق أكتر

ولا يوم هبوا

هم الأكت

رلكن جلبوا

العار

طمعوا فى أكتر

فى حبة سكر

لكن أشتر

منهم مين

كان الأشتر

كان الأمكر

اللى بيؤمر

ويحكم عسكر

ويقتل أكتر

ونصيبه أكبر

من الوحشين

هو الأكبر

كلامه

دا سكر

تسمعه تسكر

واوع تفكر

زي

التانيين

دوول المجانين

رايحين طنطا

جايين من سنطا

واكلينها أونطة

رايحين جايين

لكن المره دي

مش راجعين

مش فاهمين

ماشيين مع مين

ماهم مجانيين

مش عاقلين

ماتروحش لطنطا

خليك في شبين

خليك ع الشجرة

حافظ الفدادين

وادبح لك بقره

ونام في الطين

الوضع أخطر مما يتصورولكن لاأحد يفهم

,أيار 30, 2008
الوضع أخطر مما يتصورولكن لاأحد ييفهم
الوضع أخطر مما يتصور
ولكن لاأحد يفهم
بقلم : محمدعبدالعليم
في مصر لا يوجد مستقبل
لأننا نعيش في الماضى فقط منذ ثورة يوليو
وطالما يحكمنا شاويش من الجيش جاهل
فلن تقوم لنا قائمة
الفقر ياكل الناس ولا يجدون الخبز
والوزراء مرتباتهم وعمولاتهم ومخصصاتهم بالملايين ولايشعرون

أضيفتbbc في: 07/04/2008 01:59 م

الجزارون يبيعون لحوم الحمير والكلاب والقطط للمصريين ويأكلونها والمواطنون لا يجدون الخبز
ونزل الجيش يوزع عيش
ونعيش ازمة مياه شرب
والطلاب والعمال والفلاحين وصغار التجارواساتذة المدارس والجامعات والاطباء والمهندسين والمحاميين والصحفيين والقضاة والاسر التى لايجد ابنها عملا منذ عام 1985لاأحد يرضى عن النظام
وينتظرون لحظة الخروج الكبيرأوخروج السر الالهى
الشرطة قد تفعلها وتعمل إضراب... فافراد الشرطة الساخطين على الاوضاع يأكلون بواقى طعام الضباط ومنازلهم خالية من كل شيء
الوضع أخطر مما يتصور ولكن لاأحد ييفهم
محمدعبدالعليم القاهرة

الوضع أخطر مما يتصورولكن لاأحد يفهم

,أيار 30, 2008
الوضع أخطر مما يتصورولكن لاأحد ييفهم
الوضع أخطر مما يتصور
ولكن لاأحد يفهم
بقلم : محمدعبدالعليم
في مصر لا يوجد مستقبل
لأننا نعيش في الماضى فقط منذ ثورة يوليو
وطالما يحكمنا شاويش من الجيش جاهل
فلن تقوم لنا قائمة
الفقر ياكل الناس ولا يجدون الخبز
والوزراء مرتباتهم وعمولاتهم ومخصصاتهم بالملايين ولايشعرون

أضيفتbbc في: 07/04/2008 01:59 م

الجزارون يبيعون لحوم الحمير والكلاب والقطط للمصريين ويأكلونها والمواطنون لا يجدون الخبز
ونزل الجيش يوزع عيش
ونعيش ازمة مياه شرب
والطلاب والعمال والفلاحين وصغار التجارواساتذة المدارس والجامعات والاطباء والمهندسين والمحاميين والصحفيين والقضاة والاسر التى لايجد ابنها عملا منذ عام 1985لاأحد يرضى عن النظام
وينتظرون لحظة الخروج الكبيرأوخروج السر الالهى
الشرطة قد تفعلها وتعمل إضراب... فافراد الشرطة الساخطين على الاوضاع يأكلون بواقى طعام الضباط ومنازلهم خالية من كل شيء
الوضع أخطر مما يتصور ولكن لاأحد ييفهم
محمدعبدالعليم القاهرة

يابلدنا شعر : محمدعبدالعليم

يابلدنا شعر : محمدعبدالعليم


,أيار 30, 2008
يابلدنا
شعر : محمدعبدالعليم

يا بلدنا ياأم مدنه

لو أردنا نعيد عيدنا

ونشيدنا

ونقول سودنا

الدنيا حقيقي

وتصحى أسودنا

ويرجع تاني مجد جدودنا

لو سيدنا

يرضى

يقودنا

بضمير حي

ولا يهددنا

بسجن الحي

اللى مرقدنا

ومقعدنا

ومعقدنا

تحت المدنه

ولا بيفدينا

وضيع عيدنا

سيد الحي

عبد عبيدنا

وفي ليله سوده

أصبح سيدنا

وكمان بيقودنا

مش دي خيبه

عملناها بايدنا

وياما أيدنا

نهد المدنه

وننسى جهودنا

ننسى جهادنا

وننسى وجودنا

واننا جودنا

فيوم ع العالم

بنور المدنه

بصوت أناشيدنا

بأيام عيدنا

لكن سيدنا

ضد وجودنا

أصله دا كان

ضمن عبيدنا

الرجل كسب كثيرا بمنعه الخمور

الجمعة,أيار 30, 2008
الرجل كسب كثيرا بمنعه الخمور
في: 24/05/2008 06:51 ص
ردا على سؤال عن رايي فى قرار احد اصحاب الفنادق بالقاهرة بمنع الخمر والضجة التى احدثها القرار
فقلت : إن الرجل كسب كثيرا بمنعه الخمور.. إذ عمل دعاية بمليار دولار أويورو للفندق
فالأغلبية لا يعرفون جراند حياه وقد ميز الفندق بميزة جديدة سيزيد اقبال السائحين والمصريين عليه
وسيزيد دخله بمنعه الخمور
ولننتظر النتائج
ربما قلدته فادق أخرى فليس كل السياح يسكرون ويشربوناليهود والمسيحيين والمسلمين لا تبيح أديانهم تناول الخمر والطعام الحلال الذي يقدم فى الطائرات والفنادق الاوروبية من أجل اليهود المتدينين والمسيحيين أيضا.. وليس من أجل المسلمين فقط
العبرة بالحساب الختامى الذىسيكون مبهرا
محمد عبد العليم,

الواد الافندى شعر محمدعبدالعليم

الواد الأفندي شعر : محمدعبدالعليم

الواد الأفندي

===========

شعر : محمدعبدالعليم

كنت ماشي

في المناشي

شفت باشا

وشفت بيه

والواد الافندى

أبن الأيه

مادد إيديه

يشحت جنيه

كان اندهاشي

إنه ماشي على رجليه
الواد الافندي
موظف سنكوح
من الحكومة
مرتبه كام لحلوح
لايكفى غدوه ولا عشوه
ولا فايده منه غير النوح
بايت الموظف ع الرصيف
باكى شاكى الجروح
وريحه دمه المسفوح
تفوح مهما تفوح
لو عدى عليه الباشا البيه
المنشار
عبده الفشار
يقف زنهار
ولو شمس النهار نار
وينسى جروح الفقر
وكل هموم الدنيا تروح
ماعرف فين؟
أصله مواطن أبن مواطن
وكل مواطن ع الصفين
لو مر الباشا البيه
تلقاهم ساجدين
ويقولوا يعيش
قمر الدين
حبيب الملايين

يا ليالى شعرمحمدعبدالعليم

يا ليالي..شعر :محمدعبدالعليم
يا ليالي
شعر :محمدعبدالعليم
ياليالي

مش ناسيها

وفي خيالى

وروحي فيها

اللى دبت

في هواها

واللى سهرت

كتير معاها

الليالى

مهما غابت

ح نلاقيها

طول ما فيه

فى القلب نبض

ح نحب بعض

ونملا الأرض

بورد الحب

بود الليالى

اللى راجعه

بكل غالى

الليالى

ياليالى

مش ناسيها

لسه فى بالى

نورجمالها

والحلم بيها

البيان رقم 5 حركة معلمين ضد الكادر

,أيار 30, 2008
البيان رقم 5 حركة معلمين ضد الكادر
وصلتنى الرسالة التالية على بريدى بدون توقيع وأنشرها لمحتواها المهم بالنسبة للبعض
البيان رقم 5 حركة معلمين ضد الكادر
السادة الأفاضل معلمي مصر المحترمين , لقد تأسست هذه الحركة من أجل كرامة المعلم المصري القدير الذي تصر وزارة التعليم والحكومة المصرية علي إهانته بشكل مستمر , فتارة يتهم بأنه عضو في مافيا الدروس الخصوصية وتارة يتهم بالجهل فيعقد له إمتحات للرقي بمستواه والحقيقة أن مستوي المعلم المصري , كل في تخصصه أفضل من مستوي أستاذ الجامعة , فقد تفوق التلميذ علي الأستاذ , وأصبح المعلم المصري خير أجناد الأرض واليوم تحاول الوزارة والحكومة الإستمرار في مهزلة الكادر الذي رفضه حتي الآن 572648 معلم وفق آخر إحصاء وذلك من خلال الرسائل الإلكترونية المرسلة علي البريد التالي antifasad@maktoob.com وهناك عدد من النقاط يجب توضيحها متشمل : أولاً / قامت الوزارة بعمل هذا الوهم المسمي بالكادر لتزيد مرتب المعلم 50 جنيهاً في مقابل زيادة الأسعار بمقدار 170 جنيه

. ثانياً / تقوم الوزارة بصرف حوافز للعاملين بالدولة لأنهم خارج الكادر , فما فائدة الكادر أصلاً إن كانت القضية مجرد قروش قليلة لا تسمن وتغني من جوع , وقد كان الأفضل أن تقوم الوزارة أو الحكومة بزيادة حواز المعلم بمقدار 100 % وهي أفضل من فيلم الكادر المحروق .

ثالثاُ / أن العرض من الكادر هو تلميع الصورة السياسية لرئيس الدولة وصرف مبالغ مالية كبيرة جداً تأتي منح من الدول والمنظمات الدولية لتطوير التعليم لكنها تدخل في النهاية إلي جيوب أباطرة الوزارة والحكومة ويصبح المعلم هو كبش الفداء الذي يسدد فاتورة الحكومة . رابعاً / جميع البيانات الموجودة علي موقع الوزارة عن المعلمين خطأ وقد قمنا بتعطيل الموقع ويعمل الأخوة الآن علي تدمير الموقع تماماً , فما هي فائدة طباعة مليون وربع ورقة تقدم إلي تلك الأكاديمية المزعومة وكم تكلفت مناقصة الأظرف الصغيرة وكم صرف علي اللوحات التي ةزعت علي المدارس وكم سيصرف علي المتابعين والمتعاملين مع الكادر المزعوم ؟ خامساً : السادة المغلمين إننا نرفض هذا الكادر رفضاً تاماً فنحن لسنا ألعوبة في يد الحكومة ونرفض المبالغ الماليى الهزيلة التي تزلنا الحكومة بها ولذلك فنحن كحركة شعبية مفوضة من قبل 572648 معلم حتي الآن نعلن الرفض التام للكادر وللإمتحانات المهينة وندعو الجميع إلي عدم المشاركة في هذه المهزلة ولإمتناع علي حضور الأمتحانات والإعداد لإضراب شامل يبدأ موعده مع بداية تصحيح مواد الثانوية العامة وسوف يتم تأكيد هذا الموعد خلال أيام بعد الإنتهاء من الإعداد . السادة الأفضل نرجو أعادة إرسال هذه الرسالة إلي الجميع للتأكيد وذلك عبر جميع المنتديات والإيملات والمدونات والفيس بوك . وفقنا الله في مواجهة كل من يتآمر علي مستقبلنا ومستقبل أولادنا المنسق العام لحركة معلمين ضد الكادر

مهما يطوف بالكعبه شعر : محمدعبدالعليم

,أيار 30, 2008
مهما يطوف بالكعبه شعر : محمدعبدالعليم
كله منافق
مهما يطوف بالكعبه

ويشرب من زمزم
شعر : محمدعبدالعليم

الناس صلاة النبي

جيش عرمرم

بيقودهم واحد غبي

من أهل دم دم

ينهب مال النبي

والحرامي معزز مكرم

ويقولوا له زيد كمان

فى الطغيان

زيد يا أفندم

كله منافق

ولجل كده

حياتهم

مر علقم

المنافق لا يفيده

نفاقه ولا يتوب

مهما يطوف بالكعبه

ويشرب من زمزم

حقير وضيع

على قفاه مكتوب

دا مجرم

حبة كلام شعر : محمدعبدالعليم

حبة كلام

شعر : محمدعبدالعليم
حبة كلام

بالكيلو يابيه

انا لسه شاريه

بتلات تعريفه

كتبه إمام الصحافه

برجليه

ناقص نضافه

وابصر أيه

تركها أبيه

يا اخي أحيه

**

سنين طويله

وكلام النيله

ابو طويله

قليل الحيله

صحفي خلفي

خلف خلاف

مرتبة ولحاف

وصحافه خفافه

مافيهمش نضاف

صحافة الشيله

مع الشغيله

عاملينها عيله

ماتقولش وسيه

لأم عليه

موروثه غنيه

بيبيعوا فيها

ويقولك غيه

بيربي حمام

جوه الأكمام

وع الكرافته

كاتب اليافته

وكله ألسطه

كريمه.. قشطه

تورته باسطه

وقماشه باتسطه

وهات سواق

وقوله يا أسطى

معايا السلطه

وعاملها سلطه

لا هو فاهم حاجه

و أهو بس ينونو

والتانى يهوهو

والتالت ديله

مقطوع وبيلعب

ماهو أكبر معلب

بيساع قباب

ويساع الشبشب

خد لك قفايين

واتمختر حبه

حسن وحسين

أخوات وأحبه

عزيزه خدت البريزة شعر : محمدعبدالعليم

,أيار 29, 2008
عزيزه خدت البريزة
عزيزة خدت البريزة

شعر : محمدعبدالعليم
عزيزة خدت البريزة ومشيت
سالت عليها قالوا لى اتعشت

وخشت نامت وقبل منامها نشت

الدبان والناموس وفى قتلهم اتفشت

صبحت الصبح فطرت ..لكن خست

لبست هدوم .. لكن الهدوم كشت

بصت فى الليل للنجوم وعدت

نقصت فى العدد نجمه ورا القمر خشت

داخت عليها ولما الدوخة اشتدت

قالت احسن شيء للبنت تتستت

خابور الشفا شعر : محمدعبدالعليم

,أيار 29, 2008
خابور الشفا شعر : محمدعبدالعليم
خابور الشفا
شعر : محمدعبدالعليم
آه يا بلد

كل شيء ببطاقه

وأى شيء بطابور
نعمل ايه فى بلدنا

نشق هدومنا

وإللا نثور
المصرى فقد الطاقه

مش ناقص إلا يغور

تسقف مش نافع

تهتف مش نافع

تعمل قرد مش نافع

ماهو كل شيء في بلدنا

للعمدة والمأمور
أماأنت يامواطن

اهتف وقول مستور

اقولك الحق

لكن خش خد لك دور

أهدا وخليك راكن

ع القفا

أو ع الخابور

خابور الحكومة شفأ

شفشف

شفايف عفا

طبع الوفا

غالب

والغايب مالوش فى الدور
أهدا فى كل الاماكن

وأشكر الباشا والبيه

والنائب المحترم

بجنيه

اعلان شكر

واياك تشتكى

وتقول فيه أحيه

خبرنى وأبعت لى فى الجوابات شعر : محمدعبدالعليم

,أيار 29, 2008
خبرنى وأبعت لى فى الجوابات شعر : محمدعبدالعليم

خبرنى وأبعت لى فى الجوابات

شعر : محمدعبدالعليم

صب القهوه
بسكر أو ساده

وهات السجاده

الدنيا ولاده

لا طبيب ولا عياده

ماهي دى العاده

الشمعه المنقاده

تطفيها السداده

**********

شد الجواب

وابعت للاحباب

بوسه واشاده

واكتب كما العاده

مستنى الرد بافاده

خبرنى عن الوردات

وبلح النخل الامهات

طرح واللا لسه مستنى

الفرح في صمت وسكات

خبرنى وابعت لى فى الجوابات

كلمات

ان كان ولد سمعان

فقد النطق والسمعان

وحطينا ايدينا في الشق

ودوخنا مع التوهان

سألنا فى كل مكان

لكن مالوش عنوان

وقال واحد من الشبان

على ناصية حارة

أم داود بنت على شعبان

ايصال الأمانات

حطه فى الجوابات

ووصلنا الوصل

لكن الأصل

كان كلمات

لاحد عرف يفسرها

والواد معيط

فى الغيط

ولد مغاورى

فاكره الاهبل

وكنا نناديه ياعبيط

فاكره معيط

مسك الورقات

والجوابات

وشخبط شخابيط

وسابها فى الغيط

ولقاها العمدة

واتاريها وصل أمانه

مكتوب بلغه تعبانه

فسرها العمده

ماهو متنور

كيف ينظر

فى الورقات

يقرا مافيها

ويقول للناس فيها

حاجات

الورقات

البيضه فى إيده

تتحول وصولات

ايصالات

وشيكات

وحاجات

ما أصله حكومة

وفاهم كيف يفسر كل الورقات

ويجيب ظباط المركز والصولات

ياخدوك ع المركز

وتركز أو تنسى

العمده حكومه

فاهم ما بينسى

كيف يفسر كل الورقات

حتى المكسر

يرممه تاني

والفاني انا وأنت

انا وانت زي الخلجات

تتوسخ بالطين

والطمي

وتترمي نفايات

تنفات

ولا تسوي

غير تنداس

بمداس كبار الناس

***

اياك تكون محتاس

وفاضحنا في الكفر

بين الناس

ما أ نت لا بتقرا ولا تكتب

وحمار عديم الإحساس

لا بتشكر العمده

ولا بتحب على إيده

ولا عمرك بعت برقيه لتأيده

ولسه بتفكر تنكرمد خدمته لعزبته

ياحمار دا حكومه

والعبد ما ينظر لفوق

قدام سيده

أبعت برقيه لتأيده

واكتب البلد كلتها بتريده

وكلامه عايشين كلتنا بترديده

بنغنيه

وح نحكيه للاجيال الجايه

تعيش عليه

*******

صب القهوه

بسكر أو ساده

وهات السجاده

الدنيا ولاده

لا طبيب ولا عياده

ماهي دى العاده

الشمعه المنقاده

تطفيها السداده

****

شد الجواب

وابعت للاحباب

بوسه واشاده

واكتب كما العاده

مستنى الرد بافاده

خبرنى عن الوردات

وبلح النخل الامهات

طرح واللا لسه

مستنى الفرح في صمت وسكات

خبرنى وابعت لى فى الجوابات

زعيم القواقع شعر محمدعبدالعليم

,أيار 29, 2008
زعيم القواقع شعر محمدعبدالعليم
زعيم القواقع
شعر : محمدعبدالعليم
تنام انت .. ونسهر

وترتاح انت ونتعب

وتصحى تشتم

وتسكر

وتجرى تتنطط

وتلعب

وندوخ احنا عشانك

مانتا انت زعيمنا

قائدنا انت وسيدنا

وقاطع ارزاقنا وايدنا

ونبنى احنا ونزرع

ونجوع

وتاكل انت وتشبع

ما انت زعيم القواقع

حقيقه هى وواقع

انت الدليل والمرشد

انت القائد المنجد

انت الضعيف المتشدد

علينا بس تهدد

وانت الوحيد المبدد

كل قوتنا وقوانا تطرد

فيهم وتنفي

بايعهم للى عدانا

ومابقاش معانا ...مايكفي
وورانا

ماسك قفانا

عدو عمره ما سابنا

ولا يوم عمل حسابنا

بالعكس هاجم علينا

وانت رابط ايدينا

ومغمى بايدك عنينا

***

ما تقولى ليه

وعشان ايه

يازعيم كل القواعد

الماشي واللى قاعد