كله بالقوانين ...شعر محمد عبد العليم

كله بالقوانين ...شعر محمد عبد العليم

محمد عبدالعليم·25 ديسمبر، 2015‏2‏ قراءتان

كله بالقوانين ...شعر محمد عبد العليم
خدت دبلون تجاره...
بالعافية ودي شطاره ...
وبقيت شيخ الحاره ...
وبكره ابني عماره ....
واشتري ميكروباص....
وألم لي قرشين ...
وابقى واد قناص ...
يعرف القرش فين ...
وامشى كل الناس
ع الميه والعجين ...
واللى يوم يعارض ...
حياته تبقى طين ...
ضريبه بأمري فارض ..
على كل الفقرانين ..
عمال وفلاحين ...
أو كانوا موظفين...
والدنيا دي منافع .......
وكله بالقوانين .....
ماهو كله دافع دافع
ومين يقدر يدافع ....
وأنا دافع للمرتشين ...
في مغارة على بابا ..
وعلي نور الدين ...
محمد عبد العليم
25/12/2015

ليه بنكبر ..وأحنا صغار..شعر محمد عبد العليم

ليه بنكبر ..وأحنا صغار...شعر محمد عبد العليم

محمد عبدالعليم·25 ديسمبر، 2015‏9‏ قراءات

ليه بنكبر ..وأحنا صغار..شعر محمد عبد العليم
سائلني سائل
ديك النهار
عن المسائل
وكان محتار
ليه حالنا مايل
وانتو الكبار
ليه بنكبر ..وأحنا صغار ...لسه خضار
وعلينا تظهر علامات كتار ....
وزمانا يحفر على خدودنا حفر كبار ...
وليه نفكر ..وننسى نذكر .....
إن الزمان ياما دار ....
ومصيرنا نرحل ...ويقولوا كانوا ...
ونكون أثار .....
محمد عبد العليم
25/12/2015

فاكر زمان ..شعر محمدعبد العليم

فاكر زمان ..شعر محمدعبد العليم

محمد عبدالعليم·24 ديسمبر، 2015‏36‏ قراءة

فاكر زمان ..شعر محمدعبد العليم
ياغايب من زمان ...
فاكر زمان ..
حنان وأمان .....
فاكر اللى كان ...
سافرت وهاجرت ورحت بعيد عن الشطئان ..
وغبت وسبت لي الوحدة والحرمان .....
وقلت ح تيجي... نرجع زمان ..زي ما كان ..
فرحت بكلامك ..وطمعت في حنانك ..
وزرعت المكان .. ورد وريحان ...
ومر الزمان ...
لاجيت ونسيت عهد المحبة...
وبعت كمان كل الأحبة ...
ولسه بافكر ..ترجع وتظهر ...زي زمان ..
ومر الزمان ...
وأنت بعيد مش عارف لك مكان ..
عايش سعيد واللا .. حزنان....
وح ترجع واللا .. ح يمر الزمان ..
وأنت بعيد .. وأنا حيران ....
وتدبل ورودي ويموت الريحان ....
ويمر الزمان ....
محمد عبد العليم
24/12/2015

دبحنا حمار .. شعر محمدعبدالعليم

دبحنا حمار .. شعر محمدعبدالعليم

محمد عبدالعليم·24 ديسمبر، 2015‏11‏ قراءة

دبحنا حمار .. شعر محمدعبدالعليم
فيها إيه
يا أفندي يا بيه
عامل غاغة ليه
قصدك من كده إيه
عشان حمار مدبوح
تبكي كمان وتنوح
خليك كده بحبوح
دي لحمة ترد الروح
للجعان والمجروح
وفيها إيه يابيه
لحمه بنص جنيه
والفقرا ياكلوا إيه
ياكلوا بهايم ياكلوا حمير
ماهو في بلادنا زايد الخير
حمير في حمير عددها كتير
ومش محتاجة للتفسير
كفانا عدس وفول
وفقر ونقر من المسئول
وكلام إعلام من دلدول
صبح وليل فشر يقول
والتجار غول مع غول
والأسعار كمان بتطول
لحمة وجزمة تولع نار
وأحنا يادوبك لقينا حمار
جرينا بسرعة ع الجزار
هات الكبدة فشه وممبار
كلوا ياولاد واعملوا زار
ما أحنا لقينا أحلى حمار
ذيع يامذيع أحلى الأخبار
دبحنا حمار
ياحمار ياحمار
محمدعبد العليم
24/12/2015

صلى الله عليك وسلم ...شعرمحمدعبد العليم

صلى الله عليك وسلم ...شعرمحمدعبد العليم

محمد عبدالعليم·18 ديسمبر، 2015‏20‏ قراءة

صلى الله عليك وسلم ...شعرمحمدعبد العليم
يارسول الله....ياحبيب الله....
حبك دا دين وفرض.....
في السموات والأرض....
حبك من حب الله ...
والصلوات عليك ..
حياة من بعد حياة .....
صلي عليك الله .....
يارسول الله ..ياحبيب الله ...ياخاتم المرسلين ...
نفسي ازورك نفسي.....وأصلي في الحرمين ...
وأحقق اللى في نفسي... وتشفع لي يوم الدين ...
يارسول الله ...ياحبيب الله ...رب العالمين ...
يا إمام الموحدين ... حبك دا فرض عظيم ...
على كل المؤمنين ..بأمر الرب الكريم ....
أسلمنا ورضينا ..محمد نبينا ....
رسول الله ..للمخلوقات ولينا...
وصومنا وصلينا وقمنا وزكينا ..
..وح نصلي فى الكعبة ونزورك في المدينة ...
صلى الله عليك وسلم ...
محمد عبد العليم
18/12/2015

باحبك يافساد .........شعر محمد عبد العلـيم

با حبك يا فساد ...شعر محمد عبدالعليـم

‏17 ديسمبر، 2014‏، الساعة ‏08:25 مساءً‏

باحبك  يافساد .........شعر محمد عبد العلـيم

ياحلو يا فساد  ........................

..يامرعرع في البلاد ..................

.جميل  حلو ونامي ...................

..ومفرح الولاد  ........................

.يا حلو يافساد ........يحميك م الحساد ......

......................ويحمى كل حرامي ...........

..........بيجيد الإجتهاد .....................

......ياحلو يا فساد ..............

.......ماتغيبش  علينا يوم ...........

..........حتى فى شهر الصوم ...............

.......يا فساد خليك قدامي ..............

.....ياحلو يا فساد ...............................

.........يافساد يا سلطوي......................

.........ياغنينا  بالقوي ...................

......ولا تفرق الأسامي..................

...و لايكره الفساد  .....

....غيراللى مش سوي .............

......باحبك  يافساد .....

....وباعزك  قوي ...قوي..................

.محمد عبدالعليم 17/12/2014

فكي أسري يافراشة ...شعر محمدعبد العليم

فكي أسري يافراشة... شعر محمدعبد العليم .

محمد عبدالعليم·16 ديسمبر، 2015‏2‏ قراءتان

فكي أسري يافراشة ...شعر محمدعبد العليم ...............
. فكي أسري يافراشة ...
...ليه بتسري بعيد وتجري ....
..خايفه ليه ولسه عمرى ولسه فكري لسه معاكي ...
لقيتى غيري ..عشان تطيري....
..ليه تطيري ..لسه بدري ....
..ايه خلاكي تنسي حالي في هواكي..
واللى عشته ..كله عشته عشان رضاكي
..يافراشة عودي تاني ..فكي أسري ولوثواني ..
يافراشه ليه تبيعي اللى حبك ..وتنسي حنانه
..وهو عمره في يوم ماباعك ..ولا قفل يوم بيبانه
..من يوم ما حبك ..قال باحبك أعلن بيانه .................
..ارجعي لي. وفكي أسري ..
و خديني على جناحاتك ..
.خليني أعيش حر في حياتك ...
يافراشة أنت عقلي وأنت روحي
ليه تغيبي وتروحي
وتسيبينى لجروحي
تسري ليه عن الأسير
اللى في هواكي مالوش غير
حبك أنت ورضاكي
ورغم أسره بيستناكي
محمد عبد العليم
16/12/2015

اسأل صديق..شعر محمد عبد العليم

اسأل صديق..شعر محمد عبد العليم

محمد عبدالعليم·13 ديسمبر، 2015‏7‏ قراءات

اسأل صديق..شعر محمد عبد العليم
عاوز تعيش ..خليك مطيع ..
واشرب حشيش.. وخد بلابيع ....
وإن قالوا بيع ..بيع الجميع ...
وكون وديع ...ويا القطيع ...
لا تبص فوق ...أحسن تضيع ..
واياك تدوق ..طعم الربيع ...
خليك حمار ...دايم النهيق..
ليل ونهار .. تاكل العليق....
دا الفكر عار ...عيب لا يليق...
لو مش مصدق.. اسأل صديق..
محمد عبد العليم
13/12/2015

حبيبي معايا اتكلم ..شعر محمدعبدالعليم

حبيبي معايا اتكلم ..شعر محمدعبدالعليم

محمد عبدالعليم·6 ديسمبر، 2015‏13‏ قراءة

حبيبي معايا اتكلم ..شعر محمدعبدالعليم
حبيبى قولت له أزيك ....
عمرى ماشوفت في يوم زيك ...
سهرت الليل على ضيك ...
وفي نورك ماشى أنا جا يك ..
وجناين الورد عشانك بتتشيك ...
تشم عطرك وعبيرك ...
وتقول باحبك مافيش غيرك ..
حبيبى قولت له أزيك ....
سلم سلام واتكلم ...
وقالى كلام يتعلم ...
خللى النجمة تتبسم ...
الله عليه .. تسلم إيديه ..
حبيبي الحلو بيسلم ...
ونني عنيه بيتكلم ...
وقالى إيه ...وأنا قولت إيه
إزاي اقول لكم عليه
الله عليه ..الله عليه
ياسلام سلم
حبيبي معايا اتكلم
محمدعبد العليم
6/12/2015

إياك تصدق سياسي ...شعر محمدعبد العليم

إياك تصدق سياسي ...شعر محمدعبد العليم

محمد عبدالعليم·5 نوفمبر، 2015‏4‏ قراءات

إياك تصدق سياسي ...شعر محمدعبد العليم
إياك تصدق سياسي مهما كان مسنود ....
ويخدعك بكلام معسول ووعود .....
بعد مايقعد ع الكراسي ...
..ينساك وكأنك مش موجود...
والصادق بجد.. مايقولش لحد ...
انتخبني يا أبني عشان .. أتحكم فيك وأسود...
بجد بجد ..إياك تصدق ..سياسي...وراه جحافل وحشود...
على كتافك يطلع ..لفوق .. فاكر طلوعه صعود ...
دا اللى علا ... مهما علا .. بكره ياكله الدود ......
إياك تصدق سياسي ع الكراسي ح يعمل لك حساب ووجود ..
ح يقول عليك فقير حقير ..وأنا أمير وأنت حقود ......
ريح دماغك دى فيران لابسه لبا س الأسود .......
ريح دماغك ..الفكر يتعبك وأنت م البلا مهدود ....
محمد عبد العليم
5/11/2015

الغربة طالت والقلق..شعر محمد عبد العليم

الغربة طالت والقلق..شعر محمد عبد العليم

محمد عبدالعليم·4 نوفمبر، 2015‏7‏ قراءات

الغربة طالت والقلق..شعر محمد عبد العليم
الغربة طالت والقلق....
باين فى سطور الورق ...
وكل كلمة تتكتب تتشطب ..
بالدم والدموع والعرق .....
والحروف تفترق ....
والعمر اللى اتسرق....
من غير تمن ...
غير مجرد ورق.....
والورق يتحرق ....
ويصبح عدم ....
وتيجى لحظه م العدم ...
شهادة ميلاد تتكتب...
وتبقى مجرد رقم ....
وساعات تجري وتتحسب..
وتعيش ويقولوا كسب ...
واكتسب ثروة كبيرة م الألم ....
وقبل الرحيل والعويل .....
كتير كتير تشرب ندم .....
كل الحكاية الطويلة كل ليلة ....
العيلة الكبيرة تقول أمتى ينعدم...
وتنعدم وتبقى عدم ....
زي ماجيت عريان مشيت ....
لكن من غير قدم ...
متشال على اكتاف ...نعم ...
لا مناصب ولا مكاسب ولا خدم...
وفي أي جورة ...محفورة ..من زمان .....
تتقفل كل البيبان .....
تدفن ولا شيء يبان ......
تبقى صوره ...للى كان ..
لا حسب ولا نسب ...
حساب عسير للى اكتسب...
من الحرام واكتسب....حتى عقلة قصب ...
مافيش رئيس ولا زعيم ولا ملك...إلا وهلك ...
وح يتهلك ..مهما امتلك .....
واللى جاي يكرر ..سكة الإنسان...
اللى جاي بكره ماشي ...للحساب ...
ويغيب زي غيره ...يوم ما غاب ...
بصوا شوفوا ...واتعلموا م الغراب ....
محمد عبد العليم
4/11/2015

فين الحبايب راحوا فين ... شعر محمدعبدالعليـم

فين الحبايب راحوا فين ... شعر محمدعبدالعليـم

محمد عبدالعليم·2 نوفمبر، 2015‏11‏ قراءة

فين الحبايب .. راحوا فين ...
سابونا ليه ..للأنين ...وأحنا ع الصبر مش قادرين ....
نبكي ونضحك ..وأحنا مش ناسيين ...أحلى السنين ....
عايشين معاهم ..وهم بعيد ..بعيد ع العين ....
في القلب هم ...والفكر فيهم وليهم وحديهم الشوق والحنين ...
كانوا معانا ..على هوانا ..وصبروا علينا سنين وسنين ...
فرحونا كام سنة ....واسعدونا وهم في ضنى ..
كام سنة ..ولا أشتكوا مننا ..شفنا معاهم الهنا ...
وادونا من عمرهم ... كل اللى كان عندهم .....
ولا حسينا بصبرهم ....ولما راحوا ..حسينا بحبهم ....
راحوا وروحنا بعدهم .....هايمه تعد سنين بعدهم .....
يارب ارحمهم ..وارحمنا ..ودخلهم الجنة
وصبرنا على حرمانا... من بعدهم.....
يارب صبرنا ...على بعدهم ...
..ولا تحرم حبايب من بعضهم ....
محمد عبد العلـيم
2/11/2015

ليه بيأ سونا ؟ ...شعر محمدعبد العليم

ليه بيأ سونا ؟ ...شعر محمدعبد العليم

محمد عبدالعليم·19 أكتوبر، 2015

مش عارف ليه ياسونا....
ياطاله م البلكونه ...
العالم جرسونا .....
نتعلم يدرسونا ....
نتكلم يحبسونا .....
ويلعنوا أم أبونا ....
بجزمهم يدوسونا .....
ولا مره جم باسونا .......
مش عارف ليه ياسونا....
ليه بيأ سونا .. ؟
نطي م البلكونه ....
وأتغطي خلاص شافونا ...
وأدونا ألف صابونه ....
وياما كتير نصحونا .....
ومن النوم صحونا .....
وياما علمونا ..وياما كلمونا ...
وياما شربونا ... عصير مليون ليمونه....
واخرتها ضربونا ..ولعنوا أم أبونا ...
واللى خلفونا ...زهقوا ونسيونا ...
مش عارف ليه ياسونا....
نحلم يعاكسونا..
نفخونا ... وفاسونا ؟
ليه بيأ سونا .. ؟
محمدعبد العليم
19/10/2015

حسب الميـعاد.. شعر محمدعبدالعليـم

حسب الميـعاد.. شعر محمدعبدالعليـم

محمد عبدالعليم·19 أكتوبر، 2015

حسب الميعاد ...
على غير اعتياد ... الوعي زاد... وفي ازدياد..
وبكره الشباب وكل الولاد ... يزيلوا الفساد .. من البلاد ..
وتصبح بلادنا أحلى البلاد ..صبح ومسا ..أعياد ..أعياد ..
أملنا عاد ...حسب الميعاد ...
محمد عبد العليم

19/10/2015

الفجر لاح ..شعر محمدعبدالعليم

الفجر لاح ..شعر محمدعبدالعليم

محمد عبدالعليم·13 أكتوبر، 2015

أيها الفرعون يا ساكن القصور ..

وتطأ المناكب وتدوس القبور ...
ويسجد نفاقا لك بعض الجمهور ...
وتظن النصر دام وأنك المنصور...
لا تصدق أبدا مهما مرت الدهور ..
أن المقهور المقبور غدا لن يثور ..
ويفتح للشمس أبواب العبور ..
فالفجر لاح والصباح والنور ...
محمدعبد العليم
13/10/2015

جناب المفتي ح يفتي ..شعر محمدعبد العليم

جناب المفتي ح يفتي ..شعر محمدعبد العليم

محمد عبدالعليم·18 أكتوبر، 2015

جناب المفتي ح يفتي ..شعر محمدعبد العليم
جناب المفتي ح يفتي
ونخلل وناكل لفتي ..
ومهما قلتى وحلفتي ...
المفتي ح يفضل يفتي ..
حرام إذا خلفتى...
وحرام إذا سلفتي ..
وحرام إذا حلفتي ..
.وحرام أكل الزفتي ..
وحرام لبس البفتى ...
وحرام إذا زعفتي ...
وحرام إذا قبلتى ..
وحرام إذا عفتي ...
وحرام كمان الشفتي ...
وحرام إذا شفتي ..
.وح يفضل يفتي ويفتي ...
محمدعبدالعليم
18/10/2015

سخسخنا...شعر محمد عبد العليم

سخسخنا...شعر محمد عبد العليم

محمد عبدالعليم·9 أكتوبر، 2015

سخسخنا...شعر محمد عبد العليم
شخشخنا جيوبنا ودفعنا الملايين..
وسلخنا قلوبنا و كل عدوين ......
ولبخنا الترعة ونشفنا البحرين ....
ولا قولنا تعبنا ...
ولامره هربنا....
و لعبنا وضربنا شماريخنا...
ونفخنا البلالين ......
فالحين دايما فالحين ......
شاطرين ... جامدين ....
ناجحين ......عارفين
طريقنا ..مودينا على فين
ونجحنا وفلحنا ....
وصلحنا الميادين ...
وصاحبنا الجن .....
وصادقنا الشياطين ......
وشقلبنا الفن ......وقلبنا الدين ....
وبقينا نميل ونحن ....للكدابين ......
وتعبت رجلينا ....ومشينا على أيدينا ....
وعملنا في سنين ...م الطين ملايين الز نازين ....
وسجنا المجانين .....الوحشين ....
احنا الشاطرين ... الفالحين ....الناجحين ..
شخشخنا ودفعنا الملايين..
وسلخنا كل عدوين ......
ولبخنا الترعة والبحرين ....
ولعبنا وضربنا شماريخنا ...
ونفخنا البلالين ......
وتاريخنا دوخنا ....
وسخسخنا ....
ونافوخنا غايب فين ؟؟؟؟
محمدعبد العليم
9/10/2015

مكتوب على كل عربي....شعر محمد عبد العليم

مكتوب على كل عربي....شعر محمد عبد العليم

مكتوب على كل عربي....شعر محمد عبد العليم  
ح   انتف  دقن  فيصل وحسين أبن زين  ........
وفرحنا  و نمنا  و  كنا  كتير نايمين............
وحلمنا  بزعيمنا  وراه ملايين.............

وقمنا من نومنا سعدا وفرحانين.......
وصحينا  وياريتنا  ما صحينا  ..يوم الأثنين .................. 
 خمسة يونيو سبعة وستين...............
بصينا ..لقينا  ..أحنا ...بقينا ...مهزومين  .........
وحكيم   شيل  بهية  الطين  ..........

والفرحة بقت فاضحة ..وبكا ومعددين .......

وده كله ..كان م الهجاسين  ........
وانجرحت بهية واتعور ياسين ..........
واتفضحت زكية  والغبي والتخين .......
ولا عرفنا  الحقيقة .. الحقيقة فين ............
ولا اتعلمناش   من  أحداث السنين  .............
عايشين  مع وهم دايم  يقولوه   الكذابين  ............
والعلم  والعلام  ببلاش لكن تقول لمين .............
مكتوب على كل عربي  يعيش  ويموت حزين ......
محمد عبد العليم 

21/2/2015

ح نطفي النور...شعر محمدعبدالعليم

ح نطفي النور...شعر محمدعبدالعليم

ح نطفي النور...شعر محمدعبدالعليم 
خلاص ح نطفي النور ....
في بنها و دمنهور ...........
ح نعلق ألف لافته ...
ننشرها فى كل حته...
أشى بفته .. على دمور ...
ونغير الدستور ...
ونزود الممالك .............

وخللى خللى بالك ....
الشيخ بهلول ح يبارك ....
ماهو سره باتع سالك ....
و  إن شا  الله  الأرض تبور ...
ونرجع عصر البارك ....
فى حاراتنا والمسالك ...
واللى يرفض هالك .....
وارموا ع القبر زهور ......
وتغور الفرحة تغور ....
خلاص ح نطفي النور ...
محمدعبدالعليم 
22/9/2015

الوهم العربي ..شعر محمدعبدالعليم

الوهم العربي .. شعر محمدعبد العليم

محمد عبدالعليم·2 أكتوبر، 2015

الوهم العربي ..شعر محمدعبدالعليم

لما البقر يبيض ... النسر جايز يحيض ...
ولما العبيد يتحرروا..النهر لازم يفيض .......
لكن الحكايه كده ...كلها نقيض في نقيض ....
محمدعبد العليم

2/10/2015

فين الوصفه ...شعر محمدعبدالعليم

فين الوصفه ...شعر محمدعبدالعليم

رايحه وزاره .. وجايه وزاره...
مجموعه مجموعه ...
والميه مقطوعه ....
والكوسه مزروعه ....
فى الارض مشروعه ...
قوانينها موسوعه ... 
والحاره موجوعه .....
لاميه ولا إناره ......
ووزير بيعلم ....
مش عارف يتكلم ...
عربي ومكسر ....
بيكتب ويتألم .....
ويرسم الكرسي..
يطلع السلم ... 
نضحك ونتبسم...
وهو متبلم .... 
يارب سلمها سلم ... 
وزير ووزاره والكل يستناه .... 
حلم قديم تاه ....ولا قادر ينساه .. 
عدل وحريه ... ومدرسه ومستشفى 
وفول وطعميه ...والعيان يشفى ...
والبردان يدفا ... والحزنان يصفا ...
لكن ياوزاره فين .. فين الوصفه ؟

والمركب هيه هيه  والدفه نفس الدفه
محمدعبدالعليم 
20/9/2015

الراجل الممتاز ...شعر محمدعبدالعليم

الراجل الممتاز ...شعر محمدعبدالعليم

الراجل الممتاز ...شعر محمدعبدالعليم

الراجل الممتاز ...شعر محمدعبدالعليم

الراجل الممتاز ...شعر محمدعبدالعليم
نافق وطبل وهبل ....وبالنصيحه أعمل .....
ولو سألوك  وحياة أبوك ...كمل....
وعشان المستقبل أقبل ...
كون هالوك ... وأهبل ...
واياك  تزعل ....وأفسد وزبل..
وخللى ظهرك محنى ...وأمشى فوق الشوك ....واستحمل....
ولو خلعوك أرجع تاني ....على كتف أخوك ......وأقتل.....
سيبك م الكلام ..سيبك م العلام ...
هو اللى أتعلم يعنى بياخد كام ....
سيبك م اللى يعارض سيبك م الأستاذ ...
خليك دايما فارض منهج النهاز ....
وبيع قطن وغاز ..وسيطر ع البوتاجاز ...
تعلا تعلا تعلا فوق وتاخد إمتياز ...
ويقولوا هو دا الراجل الممتاز ....
صاحب الألف جواز ......
ومعاه مليون جنسيه ....
ناشفه وطريه ...
وعنده سرير هزاز ...
محمدعبدالعليم
20/9/2015

أجمل وطن ...شعر محمدعبدالعليم

أجمل وطن ...شعر محمدعبدالعليمدفعنا التمن ...شعر محمدعبدالعليم آه  ياعيني  من الحزن  والشجن.....ياما جوعنا ....وعشنا المحن ....لضميرنا   بعنا ....والحق أتسجن .... ولايوم  زرعنا  ...ولاحلبنا اللبن .....ونزلت دموعنا ...ودفعنا التمن.....ومش بتاعنا ... ولا جمعنا   وطن ....ولا يساعنا .... طول الزمن ....والعدل فين ...فين أندفن ....بنموت ولا ... نلقى الكفن ....وفي وداعنا ...العطن و العفن ...ونلوم تمالي   ...ليه  الزمن  ؟و إحنا أبتدعنا .... نعبد وثن .... وكان  بإيدينا  .. نخللي الدنيا ...قدام  عنينا .......جنة عدن ....ونعيش حياتنا في أجمل وطن ........محمدعبدالعليم14/9/2015

مافيش مقشه....شعر محمدعبدالعليم

مافيش مقشه....شعر محمدعبدالعليم

مافيش مقشه....شعر محمدعبدالعليمماسك المنشه ...بيهش هشه ..ولا رش رشه ... والفرخه كاشه .....والعشه عفشه ... محتاجة دبشه .....ونجيب حمكشه ... ويمشي عكشه.....ويجينا تاني ..الأولاني... بياع  الكرشه ...المعجباني  الأحولاني.. وباقى له هرشه ...
والحاله ناشفه .....لكن المصيبه... مافيش مقشه......محمدعبدالعليم16/9/2015