خابور الشفا شعر : محمدعبدالعليم
كل شيء ببطاقه
وأى شيء بطابور
نعمل ايه فى بلدنا
نعمل ايه فى بلدنا
نشق هدومنا
وإللا نثور
المصرى فقد الطاقه
المصرى فقد الطاقه
مش ناقص إلا يغور
تسقف مش نافع
تهتف مش نافع
تعمل قرد مش نافع
ماهو كل شيء في بلدنا
للعمدة والمأمور
أماأنت يامواطن
أماأنت يامواطن
اهتف وقول مستور
اقولك الحق
لكن خش خد لك دور
أهدا وخليك راكن
ع القفا
أو ع الخابور
خابور الحكومة شفأ
شفشف
شفايف عفا
طبع الوفا
غالب
والغايب مالوش فى الدور
أهدا فى كل الاماكن
أهدا فى كل الاماكن
وأشكر الباشا والبيه
والنائب المحترم
بجنيه
اعلان شكر
واياك تشتكى
وتقول فيه أحيه
posted by محمدعبدالعليم @ 7:13 م
0 Comments:
إرسال تعليق
<< Home