هو إيه الوطن ..شعر محمدعبد العليم

هو إيه الوطن ..شعر محمدعبد العليم

آه يابلد أمتى تفوق.....

واد هزها من فوق ...

بكلمة ورسمة ....بحكمة وفن وذوق ...

وبان اللى تحت ...أحسن من اللى فوق ..

خايفين من الكلام ...خايفين من العلام ...

خايفين الناس تفوق ...

حتى الورق ....

من الخوف والقلق ..... 

حكموا عليه ....يموت مخنوق ....

وهو إيه الوطن ..

غير اللى تحت....

مهما طال الزمن ....

يطلع فوق..............

محمد عبد العليم

31/1/2016

أكثر ما يزعج الديكتاتور الجاهل ورقة وقلم ... أو كلمة حب

أكثر ما يزعج الديكتاتور الجاهل ورقة وقلم ... أو كلمة حب

قلت لكم أنا ....... شعر محمدعبدالعليم

قلت لكم أنا ....... شعر محمدعبدالعليم.

..مش قلت لكم أنا ....................

حلوة راس السنة .............

بس مش عندنا... ............... 

لا وردة ولا سوسنة .................

 ولا حياة هنا ..................

 لا منبر ولا مأذنة .................

الحب خلاص أتفنى ........ ... ..

 من قلوب الناس ............... 

والحرب ... طول أيام السنة ......

محمدعبدالعليم 

4/1/2014 السيت

زغردى يا حوريه **شعر محمدعبدالعليم

زغردى يا حوريه **شعر محمدعبدالعليم

معايا سلطانيه 

ومعاك سلطانيه

وفى الحاره الجايه

ح نعبي فيها حريه 

من عند أم بهيه

الوليه العفيه 

الظالمه المفتريه 

وطظ فى القضيه

رغم الخيبه القويه

معانا السلطانيه 

معانا السلطانيه

وزغردى يا حوريه 

معانا سلطانيه

 وطظ فى القضيه 

محمدعبدالعليم

31/1/2014

افتكاسات .... شعر محمدعبد العليم

افتكاسات .... شعر محمدعبد العليم

محمد عبدالعليم·27 يناير، 2016

افتكاسات .... شعر محمدعبد العليم

هم أتنين في واحد توأم هم اخوات . ..

وزعيمهم خالد .... واخواته البنات ......

كمان عليهم زايد ...منافق الامعات ...

اللى قايد... شمعه.. افراح وجنازات ....

عايش يرقص وحده وماسك الصاجات ...

سرقه ونصب تلاقي وتلاقى معاه بلاغات ...

وكلامه قد علامه ..بس معاه سيديهات ...

واللى وراه يتلاموا ... ليه هو بالذات ....

ماغيره ممكن يرقص ..ويزيد الحركات ...

ولا عمره يدقق .. ولا يوم يتحقق ان كان

في التصفيق بيوفق ... واللا كان بينهق ..

وبيرفص لما بيرقص ..واللا دى افتكاسات ...

محمدعبدالعليم

27/1/2016

استغفر الله العظيم من كل ذنب عظيم

ياساهر الليالى ... شعرمحمدعبدالعليم

ياساهر الليالى ... شعرمحمدعبدالعليم

ياساهر الليالى ... شعرمحمدعبدالعليم

محمد عبدالعليم·26 يناير، 2016

ياساهر الليالى ... بتفكر في حبيب غالي

أنا كمان سهران . .. لكن قلقان حيران

مش قادرأنسى اللى جرالي.....ياريت تقول لى ..قولها لي

إزاي أنسى ويتغير مع الليالي حالي . ..

وأرجع زي زمان فرحان .. وبالي خالي

محمدعبد العليم

27/1/2016

استراتيجي....شعر محمدعبد العليم

استراتيجي....شعر محمدعبد العليم

استراتيجي....شعر محمدعبد العليم 

أى غاوي قعاد قهاوى ....

وناوي يبقى استراتيجي....

لا علم عنده لازم يخاوي...

عب العاطي و يروح ويجي...

على برامج فلعوص وفتله ..

ويقول هجايس مش حجيجي..

ع المريخ .. وممر متلا ....

ماهو خبير استراتيجي ....

مباح يفشر ويروح ويجي..

محمدعبد العليم 

25/1/2016

ورد وشوك ..شعر محمدعبد العليم

االورد  والشوك  ..شعر محمدعبدالعليم

الورد   فيه الريحه  و فيه الشوك

زى ناس   قبيحة وناس جميله وآخر ذوق

باخلاقهم   يرفعوك   فوق الفوق 

هم اللى   لله  بيحبوك  

وناس  مهما  تعمل لهم  يلعنوك  

ويلعنو ا اللى جاب أبوك

وفي سوق النخاسة  بالرخيص يبيعوك

محمدعبد العليم

23/1/2014

شيء مش عادي*** شعر محمدعبدالعليم

شيء مش عادي*** شعر محمدعبدالعليم

فين النيل الصافي الهادي ؟

فين الورد والصبح النادي ؟

فين الود فى الوادي والبوادي؟

فين الأم **** اللى تنادياستشهادي 

*** وموت ولاديآه يابلادى

*** شيء مش عادي

كلاب سعرانه**** 

بتقتل ناس وناس حزنانه ****

 لموت الناسوناس فرحانه*** 

فى موت الناسناس موش ناس***

من غير احساسوالموت ,,,,,,,,,,,,,,,,,,,,,,,,,,,كاس بيدور ***

 على كل الناسوالفرحان**** 

بكره ح يحزنواللى حزين ***** 

ح يكون أحسنيتيم مسكين *** 

يبكى ياعينوكلب قليل الدين***

 سعرانيقتل بس***** 

فى الإنسان باسم كلام ***

مالوهش اساسماشى مبرطع ** 

حواليه حراسيفجر يفرقع *** 

يقتل فى الناسيضحك يتمطع ,***

 وبكره ح ينداسوالموت ,,,,,,,,,,,,,,,,,,,,,,,,,,,

كاس بيدور على كل الناسوالفرحان*** 

بكره ح يحزنواللى حزين ***

 ح يكون أحسنمن أحسن ناسيتيم مسكين *** 

يبكى ياعينوكلب قليل الدين*** 

سعرانيقتل بس*****

 فى الإنسان 

محمد عبد العليـــــــــم

24/1/2014

كلب جبان مش إنسان***شعر محمدعبدالعليم

كلب جبان مش إنسان***شعر محمدعبدالعليما

للى بيضرب الرصاص 

واللى اتعاص بدم الناس

واللى سعيد فى موت إنسان

كلب جبان مش إنسان

اللى بيقتل ده حيوان

محمدعبدالعليم

24/1/2014

ح افضل أحب...شعر محمد عبد العليم

ح افضل أحب...شعر محمد عبد العليم

ح افضل أحب...شعر محمد عبد العليم

هو مين ..قول لى ... اللى  ملا  القلب حنين .....

 هو  فين ..من سنين ...ياحب قول لي ..ليه أنا  م  العاشقين ؟.

بقى  أنت حبي... وعايش في   قلبي .. اللى في جنبي...

وسايبني أفكر ... ولا أنام  وأسهر ... محتار حزين ...

طب  قولى أزاى ..ازاى ياحبي ...ازاي ياقلبى ... بتحب ذلي؟

ياحب قول لي  ... ياحب قول لي  ... هو أنت  مبن ؟

و ليه تمالي. . ياحب غايب ..عن الحبايب العاشقين ....

السهرانين  المشتاقين ... لكلمة  ونظرة عين  .......

ليه  تمالي .... ياحب قول لي؟

غايب وسايب... كتير حبايب  ومجروحين ......

غلبني هواك  وتاعبني معاك  .. طول السنين

وأقول انساك  ..مش قادر أنساك ..وأنسى الحنين.....

وقلبى يمشى  ..  على هواك ... شمال يمين.....

وروحي تتوه فى السكة معاك..... 

واتوه  وياها  ....   وأضيع وياك  .....ومش بالقاك.....

قول لي أنت فين.........

وسنين بتجري  والعمر يجري .....

وأجري وراك ..هنا وهناك ... والقلب حزين.....

وأستناك .....استناك ........ سنين سنين

وأقول تعالا  ... تقول لي لسه  ....

دا لسه بدري ...وروحي حاسه ....

ح يجري عمري ....وأنت تنسى ...

حبي وغرامي  ...وعليه تقسى...

ويهون هيامي  ..  ....وعذاب قلبي ....

وتضيع أيامي ...... ويفضل حبي...... وأقول لمين ؟

حتى فى منامي ... لقاك أحلامي  ....

وأنت بتفرح  ..بس في ألامي...........

وتسعد في بعادي وخصامي ..............

ولا لاقي مطرح  أطرح  هيامي بيك وغرامي....

لكن بصرح  بكل كياني  ............وبدمع العين.........

ياحب حبي  .. ح يفضل في قلبي....

أحلى الأماني .....عمري كله   وطول زماني ...

ومهما أعاني... من الحب .....

ياحب تاني ... ح أفضل أحب ......

وأسأل   وأقول ... لو  الحب ذنب ....

وأرد على طول ....الحب من  الرب ....

وح أفضل ...أفضل أحب ..وأحب  .............

ومهما اشوف الغلب ......

ويعذب قلبي الحب ...والشوق والحنين...

ح افضل أحب ..وأحب ....

وأدعي  وأقول يارب.....

 الحب  يزيد في  القلب....

ويسعد المحبين  العاشقين الولهانين..

المشتاقين  من  سنين .........

لكلمة  ونظرة عين .......

محمدعبد العليم 

الثلاثاء  20/1/2015

شهادةالتاريخ ..شعر محمدعبد العليم

شهاده التاريخ..شعرمحمدعبد العليم

طول عمرها ولاده ....ولاعمرها استوردت داده....

وكل مادا ...تزيد في الحلاوة زياده ...

يارب ماينقطع لها عاده ....

وتدى خيرها لغيرها ولا تنتظر شكر ولا اشاده...

دا التاريخ كاتب لها شهاده ...

محمدعبد العليم

24/1/2016

شباب ثائر طول المدى

مصطفى كامل شاب قاد الأمة ومعه الشباب ..وفى عام 1919 ثار الشباب ...وفى عام 1952 انقلب الشباب على الملك الشاب فاروق وبالشباب تحول الانقلاب إلى ثورة . .وفى عام 1968 ثار الشباب ضد عبد الناصر وفى عام 1977 ثار الشباب ضد السادات ..وفى عام 2011 ثار الشباب ضد مبارك وفى عام 2013 ثار الشباب ضد مرسي...ومازال شباب ثورة 1919 ينتطر الفرصة ليحقق أهداف و طموحات ثورته

محمد عبدالعليم 

22/1/2016

الكلام بلور ...شعر محمدعبد العليم

الكلام بلور ...شعر محمدعبد العليم

الكلام  بلور  ...شعر محمدعبد العليم

يامظلوم يامغلوب يا مقهور....

  بكرة  تكون منصور ....

وح نفضل نثور ونثور ....

ونكتب كلام ع السور ....

وبمرور الزمن ويدور ...

تتفتح الورود والزهور... ..

وتطلع الشمس و النور ......

وفي الليل تبان ......حروف الكلام بلور ...

محمد عبد العليم 

20/1/2016

اهداء من الاديبة الصحفيةالجبوري ..شكرا لها

اهداء من   الاديبة  الصحفيةالجبوري  ..شكرا لها 

عيش إنسان ...شعر محمدعبد العليم

ياعم حلزون ..شعر محمدعبد العليم

عيش إنسان... شعر محمدعبد العليم

عيش  إنسان...  شعر محمدعبد العليم

لفيت  المحلات    محل محل   ..أدور على   عيش  و أي   أكل ....

  للصديق الوفى والحبيب الخل ...لا لقيت   مخللات  ولا  نقطة خل ...

عم القانون   قالي  أبعد عن الندل....  وأمشي في طريقك  عدل ..

واسقي العطشان  ...عمر الميه   ما تبقى خل .. وارحم الضعفان ..

وأرضي الرحمن .. ربك  رب الكل.. وعيش  إنسان  ..عمرك ماتشكي الذل ....... 

محمدعبد العليم 

19/1/2016

ياعم حلزون ...شعر محمدعبد العليم

ياعم حلزون ...شعر محمدعبد العليم
ياعم حلزون  يا  لافف...
ع المحطات والمواقف  ....
لأمتى تلف وتدور  علينا  ..
كفايه  تشوفك عنينا ....
زينا    كلنا   هنا    جنبنا واقف  ...
كفاك لف ودوران  ..كل شيء بيبان ..
والحياه كلها  محطات  ومواقف
محمدعبد العليم
18/1/2016 

غلبانين ...شعر محمدعبد العليم

غلبانين ...شعر محمدعبد العليم عاوز الحقيقة وقولة الحق ...والله الشرق حيفضل شرق ... و طبق الفول لكل بق ...وعلى إيه ..الحسد و النق ... لابناكل لوز ولاجوز ولا بندق ... لابيفيض عندنا ...ولا ندلق .... اللى نلاقيه يكفينا ويزيد ....ودايما نشكر ... هم ..الاسياد وأحنا العبيد ..ومين يفتكرنا ويذكر .... أحنا الغلابه اللي تايهين ... ومش عارفين ..طريقنا منين ... ننام ونصحي ..وأحنا ماشيين ...بنات بنين ..غلبانين .... محمدعبد العليم 17/1/2016

يا ما ح نشوف ...شعر محمدعبد العليم

يا ما ح نشوف ...شعر محمدعبد العليم

محمد عبدالعليم·17 يناير، 2016 فاكرينها ح تنفع حلبسه ...
يا ما ح نشوف ..يا ما ...لسه ...
بيبانوا الجهله فى الجلسه......
عصابات يا حبيبي متوالسه ...
طبال ..زمار ..بحته بخمسه ..
.جابولنا كمان نكسه ونكسه ...
محمدعبدالعليم
17/1/2016

ثورة يناير ..شعرمحمدعبدالعليم

ثورة يناير ..شعرمحمدعبدالعليم 

ياثورة يناير يا ثورة شباب ...

كان حاير .. بطاله واغتراب ..

في الهندسة والطب والحقوق والأداب .....

ثاروا وشالوا الغراب .. و أسعر ذئاب ...

علموا كبار الاطبا ... كتب الكتاب ...

وإزاي يداوا بالمحبه . . الظلم و العذاب .....

ثورة صدق ..... ضد الكذاب .....

ثورة بشاير .. بكره اللى جاي ...

بالنور والضي......

ثورة عظيمة كريمة شهيدها لسه حي ..

طالبوا بعداله وعيش وحرية ...

وهي ديه ....كل القضيه.........

سلميه ... كانت ...سلميه ....

لا فساد .... ولا حراميه ....

مسلم ومسيحي ..هلاله ويا صليبه ...

اتجمعوا ...حبيب ويا حبيبه .....

وقالوا الحق أحق . . إن إحنا نجيبه ...

الحق مش ممكن يوم ح نسيبه ........

ثورة شباب عنيد .....علم أمم ...

ازاى الحضارة ممكن تكون 

وكتب كتاب جديد...تاريخ للهرم ...

مجيد وسعيد لكل الكون ......

ولسه سطوره ... تشع بنوره . .وتطرح زهوره.. وتزهى العيون ...

وتجيب حق اللى أنظلم .....بالعدل والشرع والقانون ...

تعيشى ياثورة يناير جوه القلوب ألاف القرون .....

وشعبك وجيشه .. فوق الشبهة وفوق الظنون ......

تعيشى يامصر بشبابك .. .يحموا ترابك ...مهما يكون ...

محمد عبد العليم

17/1/2016