كلام هزار مجرد

,أيار 23, 2008
كلام هزار مجرد

كلام هزار مجرد
شعر: محمد عبدالعليم
---------------------------------------------------------

شوف

ما شوفتش

شفتشي

دا إنبهار

أرتشي

وانتشي

وقول يابلدنا اتنعنشي

برغيف العيش والخضار

لا تفكرى ولا تسهرى

ولا فى دماغك تهرشي

اتمشمشي

والبسي توبك المشمشي

بنزاهه وافتخار

واقرشي فصين ليمون

وانكشي

شعر الجنون

ارسمي الاحتيار

واترقصي

واخبصي

لاتفلفصي

وتقمصي

وارعشي

وتربشي

طربشي

على عصر الاحتكار

هبلي

وطبلي

وقوري وخللي

ولا تسألي

إيه غلي

ولا تنقلي

كبشة دقيق

للصديق

أوللشقيق

الغريق

في البحار

اسحقيه احرقيه

وفيه ولعي النار

ولعي

أخلعي

ولا تسمعي

اضحكي

وكركعي

واشبعى

بالوهم وبلبعى

حبوب الانهيار

وأنشلي

وهلللي

ولا تسألي

إيه غلي

إن غلي

ولامين جه

و مشي م الدار

ولا صفارة الأنذار

ايه يهمك

لو يضمك

لو يخمك

أخو أمك

فى الدمار

عارك أنت مش أي عار

العار مش للمؤدب المهذب بافتخار

لأبن المكعب

المرتشي

المرعب

الفشار

والكلام فى النهاية

مالهش غايه في المسار

كله ماشي

واندهاشي

دا كلام مجرد هزار