يعيش مخترع الدعم

الأحد,أيار 11, 2008
الأحد,أيار 11, 2008
يعيش مخترع الدعم
يعيش مخترع الدعم
============
شعر : محمدعبدالعليم
المش بعشره جنيه

والفرخه بأبصر إيه
أحيه

على إيه

على إيه

على نص جنيه
في الشهر
لموظف تكفيه
م القهر
ما يهمه رفع السعر
ويزيد حساده فى الأر
نص جنيه تكفيه
وتزيد وحيعمل إيه
ويبدد ثروته ليه
ما معاه نص جنيه

ويقولك أصبح باشا

ياكل بالدعم بغاشا

مع الناس الحشاشه

أصل الرخاء تم

واشوفه بيمص العضم

جنب الكلاب والقطط

ويهتف بالروح والدم

ويرفع صور ويفط

يعيش مخترع الدعم

يعيش مخترع الدعم

ويقولك دعم

الشعب أهم

والبلحة بقت بجنيه

أحيه احيه
طب دعم دا إيه

ياسعادة البيه

دى إزازة السم

ما بقتش تسم

ما هو أصل الدم

خلاص اتسم

والخال والعم

ماتوا م الهم

وتقولى الدعم

أحيه على إيه

ياسعادة البيه

الناس تعبانه

الناس عيانه

الناس هربانه

من الديانه

وحكاية الدعم

بقت دوشانه

بقت هرشانه

بحرق الدم

وذكيه غبيه

بتبيع طعميه

فى قريه ذكيه

واخدها هديه

صاحب النقديه

ينصب ويخم

وأهى ماشيه معاه

والشعب إن تاه

بكره ح نلقاه

قاعد بيشم

وكله ح يتلم

ويشوف الويل

ويدوق الغم

وسعادة الباشا البيه

بجد نضيفه إيديه

والشعب أبن الإيه

بيزمجر ما اعرف ليه

أحيه على إيه

أحيه أحيييييه

أحيه

ياعم

إحنا بنتسم

من أكل الفول

واللحمة بتتشم

ويعيش مخترع الدعم

ويعيش مخترع الدعم
نفديه بالروح بالدم
ويزيد دعم الشم
يعيش مخترع الدعم
محمد عبدالعليم