الحصون والحصان والاحصنة

,أيار 08, 2008
الحصون والحصان والاحصنة
الحصون والحصان والأحصنة
----------شعر :محمدعبدالعليم----


حصانين عجب

من غير ركب

ولا فيه حصان أتركب

طاروا لفوق الشهب

علموا الانسان الادب

وفى ليلة الحال انقلب

دوشه وضجيج وشغب

حصانين فى بير الادب

واقعين وايه السبب

ميتين مقتولين

والحقيقه بتتحجب

وقالوا كتير ان البدين

التخين السمين

رفص زميله الحصان الحزين

ونط فوقه وعض فيه

سرق حقوقه وباع أخيه

لحم ميت

لو تدوقه تقول إخيه

الحصان القتيل

كان تقيل

وقع عليه

مات الحزين

والتخين

مابقاش تخين

والخسارة ..

المنارة

اللى كانت نورها ساطع

زى شمس الصبح العفية

منتهيه

صبحت سواد زى الليالي السودة ديه

والقضيه .. منتهيه

من زمان يابهيه

تبكى ليه.. وعلى أيه استسلمى ليا

ماتبقيش زى الحصانين غبيه

القضيه منتهيه من زمان يابيهه

وكله عارف الا انتى

عبده باع كل سنتي

وخان عليوه وبسانتي

عملت أيه بأمانتي؟

حتى السطور اللى في خانتي

كتبوا فيها عن غباوتي عن شقاوتى ..

وانت شفتي وعرفتى يابهيه

أد إيه صنت وصنتي

كل سنتي

اد ايه كان صمودى

وجهودى طول وجودى

وعلمى كان سلاحى وكان جنودى

ووفودى واد ايه جدت بوجودى

عشان حدودي

وعهودى لجدودى

أصون حدودى

مابعتهاش وحدود غيري ماتعدهاش

عمرى ..ماكنت عميل .. خاين واطى

ولا طول عمرى كنت باطاطي

ولا جريت ورا رغباتي

ولا بعت أهلى وخنت مراتى

صنت شغلى زي حياتي

وانا شغلي ايه ؟شغلتى ايه؟منذ ميلادى .

.لحد وفاتي

غير عهد ووعد

بانفذ فيه

بجهد وجد وعزم ..

لابدأصد وأرد ..وأمد الشوف بحب وود .

.وشوق ملهوف

وازرع الورد .. وأهد جبال الخوف

لا منعنى سد ..ولا حد.. قدر يزرع في قلبى الخوف

مؤمن أنا إن الأحصنه كانت ملايين وألوف

متحصنه فى حصون عاليه ومتحوطه بسيوف

لكن عمرها ضاع ويا دفوف دقت .

.وحرير اتخنقت بيه مش صوف

انا يابهيه حقيقى ملهوف

نفسى اشوفك من غير حلوف

نفسي الف نفسى اطوف

نفسى يخف مرض الخوف

انا يابهيه ..مش ندمان

ولا زعلان ..ع الحرمان

من الحرية .. زى زمان

انا انسان حر الروح

حر القلب

ولو مجروح

او مدبوح

ودمى مسفوح

على ارض الحب مرتاح الروح

في جنة خلد

انا يابهيه ح اقولك جد

ان الورد بيطرح ورد

انا يابهيه حبيبك

انت أمى وبنتي واخويا واختى

انا يابهية ليا

قضيه

الحرية الحرية الحرية

***

القضيه منتهيه

من زمان يابيهه

وكله عارف الا انتى

عبده باع كل سنتي

وخان عليوه وبسانتي

عملت أيه بأمانتي؟

حتى السطور اللى في خانت

يكتبوا فيها عن غباوتي عن شقاوتى .

.وانت شفتي

وعرفتى يابهيه

أد إيه صنت وصنتي

كل سنتي

اد ايه كان صمودى وجهودى طول وجودى

وعلمى كان سلاحى وكان جنودى ووفودى

واد ايه جدت بوجودى عشان حدودي

وعهودى لجدودى أصون حدودى

مابعتهاش وحدود غيري ماتعدهاش

عمرى ..ماكنت عميل .. خاين

واطى ولا طول عمرى كنت باطاطي

ولا جريت ورا رغباتي

ولا بعت أهلى وخنت مراتى

صنت شغلى زي حياتي

وفى وفاتى ابقى احكى عن حياتى

زرعت الورد بحب وود

ولا خنت عهد ولا بعت وعد وكنت رعد .. وبرق حارق .

. فى المحارق والليالي المظلمة

ولا كنت سارق .. جهد غيرى ولا منافق أنظمة

ولا كنت مارق ..انا كنت طارق فى الملحمة

صانع خوارق صارت حقايق

وأعمل إيه فى غدر وظلم المحكمة
محمدعبدالعليم