يا حمار

يا حمار

يا حمار

شعر محمدعبدالعليم
========
ياريتك بتفهم فى كل المسائل

ياريت كنت فاهم.. ياريت كنت عاقل

ماكان اللى كان .. ولا كانت مشاكل

لكنك حمار... ودايما تخبط
في كل الكبار ..وترجع تعيط
لأنك حمار .. . غبى وجاهل

وأصل الحمار... لابد بيرفص

أزاي ياحمار.. تبقى مظبط؟
وودانك طويلة ودايما تماطل

ازاى ياحمار.. تغني وترقص؟
لوكنت ياحمار حمار مخطط
كنت تخطط ..وتحل المسائل
تزمبك وتفتن وتنقل وتخبص
وتبقى كبير خطير وطايل
زعيم وقائد تاكل وتلبس
وتسوي الهوايل
وتخطب تهجس
وتعمل عمايل
والأمة تفطس
بشيل الجمايل
واللي يفلفص
في
السجن يغطس
ومافيش مقابل
لكنك حمار صابر وشايل
ولا حد شكرك
لكتر الجمايل
ح تفضل حمار
وحظك مايل
ليل ونهار
ماشي وشايل