نسر وبيضتين شعر : محمدعبدالعليم
نسر وبيضتين
شعر : محمدعبدالعليم
شعر : محمدعبدالعليم
دى بلدنا
فيها خير
لولادنا
وكمان للغير
لكن الحمير
فيها كتير
والبهايم سايقه
العجل الكبير
....
شفت فيها الأمير
وأبن البلد والوزير
المحترم والحقير
ومشيت أسير
فى الحوارى
والازقة
شفت البلد
محتاجة زقة
لكن الحمير
فيها كتير
والبهايم سايقه
العجل الكبير
*****
قلت اصفر
وأغنى
أسلي نفسى فى الطريق
لقيت كلاب السكة
طلعت والحمير
قاعدة تنهق
وتنادى ع الكبير
******
قلت أخرم من أى حارة
تبقى سالكة
لكن اشارة
سدت السكة
الحمار سادد طريقي
وهز ديله وقالى سقف
بسرعة اهتف
ولعب ودانك ياحمار
وقولى هو فين مخبي ديلك
قلت له قطعوه صحابك ديك النهار
رفص برجله
وهز ديله
وفضل ينهق
وسابنى متعلق
ولما الفجر شقشق
راح سايبنى
وساببنى
وقالى ملعون أبوك يابن الحمار
***
حبه حبه
حسيت بصحبه
جايه تجري
صدت في صدرى
وفين قفاك
خد لك قفا
بالشفا
ضرب الحبيب ع القفا
يشفي
اللى انكفا
واتعلق زى العجل
المشفي
ضرب الحبيب
والتعذيب الرهيب
لو لك في الطيب نصيب
تاخد شويه وتجيب صحابك وقرايبك
ومعارف الناس نسايبك
كله ياخد نصيبه ببطاقة التموين
لا تزاحم فى طابور
ولا تقول فاسدين
ح يصيبك الدور
وتاخد قرصين فيتامين
ويقوى دراعك وتسقف لك تسقفتين
ويبان ابداعك
على قفاك
مرسوم ملكى أو جمهورى
نسر وبيضتين
posted by محمدعبدالعليم @ 4:59 م
0 Comments:
إرسال تعليق
<< Home