طرطر .. شعر محمدعبدالعليم
طرطر
شعر: محمد عبدالعليم
طرطر واتسنطر
على كل المنكر
الجد بينقص
وبيزيد المنظر
الواد بكاش
الواد هباش
وماهوش حشاش
دا أصلع ومزرع
شجراية قته
وليمون وزيتون
ما هى راسه دى فته
وأنجر معجون
أنا قلت رأيي
مسكوني قالوا لي
دا أسمه.. دا أيه ؟
قلت ياقاضي
جرنال فاضي
يحاسبوني عليه
وأعمل إيه؟
قال لي القاضي
أعمل فاضي
زى وزير أبصر أيه؟
نهق واشهق
وطبل وصفق
ولبخ وطرمخ
خليك حمار وانت بتطبخ
ولطخ لطخ
وانسى العنوان
وأكتب كلام
من غير أوزان
طرطر حتى
في أى حته
أبو الفصاد
فى الصيف شتى
قاعد يهلفط
قاعد يزلط
زلط مبطط
قلت ياقاضى
انا كنت فاضى
وماعدتش فاضى الساعه دى
عاوز أروح بيتى واعود
وبعود كبريت أولع
كتبي
وكراريسي
مارئيسي فى شغلى
يادوب السيسي
جارر العربية
بنيله قويه
والاحسن ليه
اقول مش عايد
وألف جرايد
على كل عامود
بياكله الدود
في أى وسيه
في صحيفه فسقيه
طرطر ..على حسب النيه
القاضى الطيب
ولا يتعيب
ادانى فرمان
طرطر فى اى مكان
واتصل بيه
وأدانى العنوان
عند أم زكيه الزمبركية
posted by محمدعبدالعليم @ 2:03 م
0 Comments:
إرسال تعليق
<< Home