صوصو ونونو وهوهو ..شعر محمدعبد العليم

صوصو ونونو وهوهو ..شعر محمدعبد العليم عصفور كان بيصوصو ...خرج من عشه وجحره  

بيبلغ عن النونو ... صاحبه وصديق عمره ..

ويقول خايف م الهوهو ...مرعوب قوى من ضرره ...

ماهو عارف ان الهوهو ..مسعور وناوي يعور ...

خطورته فوق الفوق ...فوق ماتتصور .....

ماخلاص بقى مشهور ...والطيور بتصور .....

وعامله من الهوهو ..أسد شجاع وجسور ....

وهو بيهوهو جنب السور ..والنونو مرعوش مذعور ...

والصوصو بيقول معذور ...مش شايف طاقة نور ...

وباقول له ليه ياصوصو ..بقيت ليه صرصور ...

قال لى اسكت اسكت ...واللا ابلغ عنك واكتب فيك منشور ..

خفت منه ياعالم ....اصل الهوهو صاحبى يلسع ولا الدبور ... 

اصل الهوهو خاين هو والعصفور ...ياما هدموا مداين كانت من بلور ..

ولا حدش داري ..مين عليه الدور .. لو الهوهو ماعضش ح ياكل العصفور ..

والعصافير تمالي ...هي اللى عليها تمالى الدور .... ودا واضح مش مستور ...

وعمر العصافير لاتقول لأ ...وعايشة حياتها بس فى زور ...

.ولا تقدرش تقول الحق ..... ولا العصافير تقدر تبقى نسور وتثور ...

محمدعبد العليم 8/2/2016