أنا وزة أنا طير أنا قطة ... شعر محمد عبد العليم

أنا بطة أنا وزة أنا طير أنا قطة ... شعر محمد عبد العليم

الغلطة الأولى الغلطة ....جابوا حمار ماسك شنطة...

 مليانة اوراق بس أونطة... 

وفيها كلام حطة يابطة ...

دخل البلاعة فاكرها محطة ...

ركبوه وداسوه مشوه ع الخارطة ...

ولأنه حمار بهيم وبرطة ...

فاكر البرسيم ملح وشطة....

وحرف الجيم سر وخطة ...

ويقولوا لئيم وزعيم أورطة ...

ومن ورطة يطلع على ورطة ...

يرفص يرقص عنده زغطة ..

محتاج تنجيم محتاج تعليم قفزة ونطة...

ونجيب له طبيب لكنه عجيب يجيب نقطة ...

علاجه تدقه تدي له بنطة ...

حمار ويقول أنا بطة ..

أنا وزة أنا طير أنا قطة ....

انا حاكم روما واسبرطة ...

من غير جيش ولا شرطة ...

وشطبت الشعب من الخارطة ...

وعملت حمار عشان الخطة...

أحكم واتحكم فى السلطة ....

محمدعبد العليم 

5/2/2016