مافيش فساد في البلاد .. شعر : محمدعبدالعليم

مافيش فساد في البلاد .. شعر : محمدعبدالعليم
مافيش فساد في البلاد .. شعر : محمدعبدالعليم
كتبهاmohamedabdalalim محمدعبدالعليم ، في 17 مايو 2010 الساعة: 19:12 م
مافيش فساد في البلاد
شعر : محمدعبدالعليم

مافيش فساد … في البلاد … ولا فيش غلط
كله بحساب ..مظبوط …ولافيش مسائل شطط
ولا فيش حاجات فى بلدنا بتنزلط
ولا فيش فروقات لا مسلمين ولا قبط
ولا فيش علاقات مريبة ..ولا فيش تربيطات عجيبة ولا ربط
بيقولوا … لكن الناس … مش لأقيه … تأكل حتى الزلط
بيقولوا .. وبيصرحوا … بالهبل ساعات … وأوقات بالعبط
الناس بتزيد و بتولد .. ولا حدش بيموت .. مهما أتخبط
لكن المنحرف قليل الأدب … غير المنظبط
العامل شبط
ينسحل … ينضرب… ويتعبط
مش لاقي شغل إزاي ….. مش لاقي أكل إزاي؟
والصحاري مليانة رمل … كتير وزلط
ومافيش فساد … في البلاد … ولا فيش غلط
كله بحساب ..مظبوط …ولافيش مسائل شطط
ولا فيش حاجات فى بلدنا بتنزلط
محمد عبد العليم