ليالي المهلبية ...شعر : محمدعبدالعليم

ليالي المهلبية ...شعر : محمدعبدالعليم
رؤية للواقع السيء, شعري و أزجالى .. وياريت انا خالى, سياسة وكناسة — بواسطة mohamedabdalalim @ 23:39
ليالي المهلبية
كتبهاmohamedabdalalim محمدعبدالعليم ، في 27 أبريل 2010 الساعة: 22:29 م

يا ليالي المهلبية
شعر : محمدعبدالعليم
يا ليالي المهلبية

امتى ناكل لقمة طرية

ويوم ننام جوه الوسية

اللى بناها جدودنا

وبالدم حماها جنودنا

واستولى عليها المهلباتية

سرقوا حتى الجلابيه

والملابس الداخليه

والخزاين والماهيه

ويقولوا أصبر … عشان بهيه

تنام وتصحى … وتقوم عفيه

والسنين مرت عليه

والمسائل.. هيه ..هيه

والقضيه إن الوليه

الوليه ..المستحيه

باعت خلاص الهدوم

وقلعت كمان الكوفيه

والجلابيه

والأّذان لما يأذن الموذن

نبكي ..نحزن ع اللى فات

واللى مات في سكات

وساب بنات

دايما تبات

تبكي ..تعاتب

والدموع هي القلوع والمراكب

في الليالي والموالد والمواكب

كله ماشي .. كله راكب

ومين ..مين يحاسب

في الوقت المناسب

ياليالي المهلبيه

أمي بهيه

سرقوا منها الغطاوالجلابيه

الوليه العفيه ماعدتش عفيه

والقضيه فى المحاكم العرفيه منتهيه

حتى الولاد الضعاف والشداد…

شهدوا.. ضدي وعليه

والوليه اللى كانت مستحيه

قلعت خلاص الجلابيه

ما با قتش هيه

الوليه

لولبيه

مش وفيه

ضحكت عليه

في ليالي المهلبيه

وهي دي .. كل القضيه

المنتهيه

يا لا ..بينا …. نرش ميه

محمدعبدالعليم