خيبة الزبون ..شعر محمدعبد العليم

خيبة الزبون ..شعر محمدعبد العليم

ياخيبة الزبون...

كسر الصحون ...

وقال كله صابون .....

ماهو ده المجنون ..........

ياخيبة الزبون....

كان عند زيتون ...

وتمر وليمون .....

وعنده ألف شون ...

قمح وكمون .....

ضحك عليه جون ...

سلمه لصهيون ....

ماهو ده المجنون .....

عبده المفتون ......

بالصحرا والميه ...

بالزرعه النديه ..

بالبت الصبيه ...

أم عيون عسليه...

اللى خدت منه ...

وباع هو القضيه...

وقال الوليه ....

كانت مفتريه...

خدت كل لقمه...

خدت كل هدمه..

خدت كل حاجه...

شالت بزمه وهمه....

وطلعت فوق للقمه ...

وسابت له بس العمه ....

تحرسها وتصونها الأمة ..

الأمة المتخمة .....

ضاربة لخمه ...

على عضمه ....

في زحمه .....

مش لاقيه لحمه.....

مسطوله دايما شامه .....

وعايشة تقولك لما .....

اجدانا بلغوا القمه ....

بالزمة دى أمه ...

تستاهل ضرب الجزمه ...

طول عمرها عايشه فى أزمه ...

أمه مالهاش لازمه .....

محمدعبد العليم

5/1/2016