دبحنا حمار .. شعر محمدعبدالعليم

دبحنا حمار .. شعر محمدعبدالعليم

محمد عبدالعليم·24 ديسمبر، 2015

دبحنا حمار .. شعر محمدعبدالعليم

فيها إيه

يا أفندي يا بيه

عامل غاغة ليه

قصدك من كده إيه

عشان حمار مدبوح

تبكي كمان وتنوح

خليك كده بحبوح

دي لحمة ترد الروح

للجعان والمجروح

وفيها إيه يابيه

لحمه بنص جنيه

والفقرا ياكلوا إيه

ياكلوا بهايم ياكلوا حمير

ماهو في بلادنا زايد الخير

حمير في حمير عددها كتير

ومش محتاجة للتفسير

كفانا عدس وفول

وفقر ونقر من المسئول

وكلام إعلام من دلدول

صبح وليل فشر يقول

والتجار غول مع غول

والأسعار كمان بتطول

لحمة وجزمة تولع نار

وأحنا يادوبك لقينا حمار

جرينا بسرعة ع الجزار

هات الكبدة فشه وممبار

كلوا ياولاد واعملوا زار

ما أحنا لقينا أحلى حمار

ذيع يامذيع أحلى الأخبار

دبحنا حمار

ياحمار ياحمار

محمدعبد العليم

24/12/2015