مستني منكم رد......شعر محمدعبد العليم
مستني منكم رد......شعر محمدعبد العليم
مستني منكم رد......شعر محمدعبد العليم
أخبار أخبار أخبار...........
ح تروحوا النار يا كفار ..........
أخبار أخبار أخبار ..........
وتدور مطابع والطابع غلاب ....
وتهوهو ع الفاضي كلاب .......
والقطة تنونو مذعورة .......
وتصوصو كام عصفورة .......
على شجرة ... خبيتها وداريتها الشبورة.....
والصورة نفس الصورة .......
تلاقيها دايما منشورة........
بني آدم عرقان...........
وجبان مخبي القورة .......
وإنسان عيان تعبان .....
مش لاقي مستشفى ......
والأسرة كمان مقهورة.....
وأخوه عريان سقعان.....
حلمان في الشتا يدفى....
لابيت ولا غيط ولا مستشفى...
وقلوب سودة بتتشفى...
في حرمان البنت الأمورة....
من أم ماتت صغيورة.....
أخبار أخبار أخبار ....
وتاكل الناس النار ....
مساكين وعبيد وأحرار ......
مش عارفين رايحين على فين .....
ضايعين في السكة وتايهين...........
مسكين بيضرب مسكين ...
وبيدبح أخوه بالسكين ..........
ولا رحمة ولا شفقة ولا دين.....
والنشر بسرعة عناوين ......
مكتوبة في الجرانين...........
أخبار أخبار أخبار...........
مساكين وعبيد وأحرار.......
والعلم فى الموت احتار.....
العالم كله أتشد .........
العالم كله مشدود.......
ولا حدش سائل على حد ........
والظلم مالهش حدود.........
الكل بيسن لأخوه الحد .............
والقتل في الأرض يسود......
ولاحد واخدها جد ...............
والعدل مش موجود........
وأنادي فى الناحية دي .....
مش لاقي منها رد .............
والنار جوة الوادي.........
بتحرق أحلى ورد ..............
وأنادي يا ولادي ........
ماشيين في سكة سد ......
عمال أنادي عليكم .................
ليه اللى بنيته يتهد.................
الله الله يهديكم.............
وتبطلوا هد ...........
وتعالوا نقعد قاعدة بجد ..........
و إيدي في إيديكم ......
بالروح والقلب........
ونبني أحلى مجد ........
ونعيد لبلادى الحب.....
ويعود للوادي الود.....
مستني منكم رد.......
يا صحابي وكل أحبابى......
تعالوا أنا فاتح بابي......
مش خايف من إرهابي......
ومضحي بكل منابي........
وتعيشوا في هدوء وسكينة.....
لا طبنجة ولا سكينة.....
والقرية تبقى مدينة .....
ونور العلم الزينة .....
ولا حد يقدر يئذينا.....
ويفكر يوم يعادينا......
ترعبة بطشة أيادينا....
قوتنا في وحدتنا.......
ونحب كمان بعضينا.....
ونكمل سكتنا......
السكة اللى تودينا.....
للمجد........
والمجد بينادينا.....
ولا حد .....
يقدر علينا.....
وأخبارنا تبقى أخبار ....
.أخبار أخبار أخبار ............
ثوار أحرار .....
ماشين مشوار....
جبار .....
كله أمل وعمل وكفاح......
صعيدي قاهري فلاح........
أبن القرية وأبن البندر
أبيض أسمر.....
زي السكر .....
كله يشمر .....
نبني نعمر .....
ألف مدينة....
في أسوان ......
وفي قلب سينا......
والعنوان......
أحنا بنينا.......
المصانع بايدينا....
وزرعنا وروينا.....
في الفدان.....
مليون جنينة.....
والفرحة تلبس طرحة......
ونعلق كمان الزينة.......
ولافيش حزين في بلدنا.........
ولا تلقى فيها حزينة.......
ونبنى عشان ولادنا....
ونبني برضه لينا......
ونعود ساعة العصاري....
ودارك جنب داري....
وأضحك في وش جاري.....
والحب فى قلوبنا جاري....
والنيل بخيره جاري......
وحياتنا تبقى لذة......
والأمن يبقى ساري.....
ولا لحظة نلقى هزة......
وندعى رب العزة.....
يوهب لبلادنا العزة....
والمعزة........
للإيدين الشغالين......
والقلوب الأمينة.....
والجنودالحارسين......
للملايين الساكنين وادينا......
والسعد يدوم.....
ويوم ورا يوم.....
نقيد الشمعة......
ويوم الجمعة .....
نبني جامعة......
وتقوم .....
مزارع ومصانع ومدارس ......
للفلاح والعامل والدارس.....
بالأمل والعمل والكفاح........
ومن نجاح لنجاح.......
الصعيدي مع الفلاح......
وتعود عهود الجدود......
وترجع لمكانها المعهود.....
بهية القوية العفية........
وبهانة أم الإنسانية.........
والأمل ...
الأمل موجود......
مستني.....أنا
أنا مستني منكم ردود.....
أو حتى واحد يرد.......
مستني بشوق الرد ....
محمد عبد العليم
22/2/2015
posted by محمدعبدالعليم @ 8:02 م
0 Comments:
إرسال تعليق
<< Home